囝囝生日飯 - chicken rice buffet

星期一囝囝正日生日, 我們去了NUSS Graduate Club裏面的Cafe on the Ridge食晚飯.

上個月發現嗰度平日夜晚和公眾假期前夕都會有chicken rice buffet, 囝囝至愛雞飯, 啱晒.

一入去就見到有一個燒味station 和生滾粥station, 即時要了一碟叉燒拼燒雞加雞腎.  成碟幾乎囝囝食晒, 我只試了雞腎.

生滾粥可以自己選料跟住即時煮, 幾多選擇, 有魚片, 牛肉片, 雞絲, 豬肉, 豬腸, 豬肝, 皮蛋, 豬肚.... 我要了一碗豬肝魚片, 啲粥底好綿好正, 連平時唔食粥既Daddy都食咗一大碗.

雖然話係chicken rice buffet, 但其實雞飯只係其中一樣, 仲有好多其他嘢食.

有幾款沙律, 但我冇影.

有幾樣前菜小點, 如rojak, 呢碟daddy整的.

仲有Nonya kueh pie tee, 唔知中文名係咩, 係自助的.  先攞一個炸脆的殼, 加入自己鐘意的料(如沙葛, 蝦, 蛋, 花生碎) 再加少少辣醬或甜醬, 好好味架.  後面嗰碗係西洋菜湯, 唔錯.

Kong pak pau, 即炆五花腩配荷葉包, 最前面嗰件就係.  啲五花腩炆得夠淋但淡味咗少少, 但鐘意食五花腩的我都食得一樣開心.  右面係大大支otak, 係用魚肉加香料和辣椒整的, 都幾辣吓但好味.  另外有蝦, 茄子和上湯浸蜆. 

啲蜆好滑好味, 我再拎多一碟嚟嘆.

仲有幾他嘢食, 但我冇影相.

最後到甜品, 有生果, 蛋糕, 大菜糕, 和紅豆冰.  生果唔多甜, 蛋糕普普通通啦.

呢個buffet當然唔可以同酒店啲比, 但以S$12.9的價錢, 有咁多選擇, 都算超值.

美其名慶祝囝囝生日, 實際上食得最多係我, 我好少夜晚食咁多架.