公司家庭日

上星期五下晝我公司攪咗個家庭日, 目的係俾屋企人嚟公司參觀, 等佢哋了解吓我哋既工作.

Daddy要返工冇嚟, 只有姐姐和兩個囝囝來參加. 

公司在禁區來, 閒人免進, 所以之前都要申服資料攞准證先可以入嚟.

路上姐姐一路話乜你公司咁遠架, 好似返印尼咁.

一嚟到兩個囝囝就好似甩繩馬騮咁跑來跑去, 我要班多個同事一齊去追住佢哋先掂.

細佬想拆咗啲信箱門呀!

兩個啩住跑來跑去, 午餐都係食少少咋, 不過大仔將個chicken burger 打包返屋企食.

食完晏大人就參觀公司, 小朋友就去繪畫比賽.

兩隻馬騮見到一人有一盒臘筆都不知幾開心.

細佬畫抽象畫.

你哋睇唔睇得出大仔畫乜呢?

當其他細路都仲畫緊時, 佢兩個就急不及待交畫, 想出外面啲遊戲攤位度玩.

玩完遊戲仲有雪糕食, 兩個食得幾滋味.  公司請咗人嚟整氣球俾啲小朋友, 大仔要咗把劍, 細佬就拎隻狗仔.

最後仲有Barney出場, 啲細路個個排晒隊等影相.

細佬開頭見到咁大隻Barney有啲驚唔敢行埋去, 後尾耐咗就唔驚, 仲霸住佢添, 其他小朋友影相時, 佢都唔肯行開, 攪到我鬼死咁唔好意思.  佢仲好攪笑咁拎隻氣球狗仔嚟隊Barney.

玩完一個下晝, 細佬回程時攰到喺車裏面瞓着. 

大仔就好好笑咁問: "媽咪, 咁你到底每日喺公司做乜架?".  家庭日既目的似乎未逹到喎.

佢見我office有部電腦, 而對佢嚟講電腦只係用來玩games和上youtube, 所以我諗佢以為我每日返工都係打機.