乾炒牛河

繼雪菜火鴨絲窩米後, 又一午餐碟頭 - 最愛的乾炒牛河.

這是趁姐姐回來前一日煮的, 因姐姐唔食牛, 所以無謂留舊牛肉在冰箱, 趁佢未番快啲煮埋佢.

雪柜有隻買咗成個星期的青椒, 炒埋落去.  嗰日我好努力咁清雪柜的存貨, 因為有啲嘢真係放咗好耐.

姐姐唔喺度時, 我可以盡情咁煮牛肉食, 家陣佢番嚟, 我哋又回復一月煮一次嘞, 因為等佢放假我先煮.  當然出街我會食, 突然好想食Morton 添.

雖然姐姐返咗嚟, 但呢幾日都係好忙, 都係唔夠瞓, 仲好似想作病, 作喉嚨痛添.  唔得呀, 唔病得架, 唔該等下星期先病啦.