2016年11月香港行(一)

2016.11.19

我去完首爾後, Daddy就帶囝囝們來香港會合我.  我星期五半夜才到香港, 他們就下晝到, 所以住Disneyland Hollywood酒店住一晚.  我落機後就返屋企瞓, 星期六朝才去廸士尼陪他們玩.

對上一次去廸士尼已經是四年前, 囝囝們再入廸士尼玩勁開心.

舊的景點我無乜影, 主要影低新的attraction. 有Star Wars人物行來行去同人影相.

小朋友可以扮jedi同黑武士打.

最鐘意的小小世界

新的Fairy Tale Forest

Belle 係我最鐘意的Disney Princess

新的Mystic Manor

以為有咩新嘢好玩, 原來只係坐車喺入面兜個圈睇間大宅主人啲寶物, 都幾無聊.

西部影相區

灰熊山極速礦車, 小兒科的過山車.

前一晚我一點幾先瞓, 晨早起身入廸士尼, 所以當日其實好攰.  玩到五點就離開.  去酒店領回他們的行李就搭地鐡返屋企.

晚餐在屋企附近的川味雲南小館食, 叫了個四人套餐.

侍應先送上小碟的白雲豬手, 是隨餐送的. 一碟四塊, 食了一塊才影相.  豬手好入味, 皮彈牙的, 微辣, 好正.

這套餐包四個餸的, 先來沙薑雞, 例牌的已經好大碟 (影相時囝囝們已經夾了幾塊來食), 好味.

枝竹豆腐班腩煲, 好大煲呀! 我一見到就諗今次慘啦, 呢餐一定食唔晒.  呢煲味道無得彈呀, 囝囝們食到唔停口.

西蘭花炒牛肉, 又係食到一半先記得影.  呢碟都好好食.

炒白菜仔好夠鑊氣, 平時唔會主動食菜的哥哥都係咁夾嚟食.

套餐還有白飯和每人一盅例湯, 我以為一定食剩好多, 點知囝囝哋一路食一路讚話好好味, 然後狂食. 一輪狂風掃落葉後, 我哋兩大兩細居然清晒所有嘢, 哥哥仲要添埋飯.  啲菜好味到細佬連啲菜尾都唔放過要夾埋嚟食.

呢餐埋單價$268, 唔駛加一, 好抵食.

好多選擇架, 下次返香港都要再去食過.  午市的碟頭飯我都試過, 一樣好味架, 侍應服務非常好, 去開大角咀可以去試下.

川味雲南小館
大角咀詩歌舞街83號亮賢居地下12號舖