香港台灣之旅 - Day 1

去了香港和台灣兩個星期, 星期六才回到新加坡.

風流快活了兩個星期, 回來後就忙到無命. 

姐姐在我們飛前一個星期回印尼照顧她的先生(要做手術), 我們回到香港後就收到她的電話, 她的先生需要幾個月時間康復, 所以她不能回來了.  唉, 又要揾工人了. 這個姐姐做得很不錯的呢!

所以回來後, 兩個仔仔就要去我奶奶家住, 因為我和Daddy日頭返工時沒人在家照顧他們.  沒有姐姐的日子, 要返工又要做家務, 還要忙着練聖誕報佳音的歌, 每日都攰到像魂遊似的. 這個十二月一點都不好過呀!

呻完一輪, 開始今次的遊記.

25.11.2017

本來我們要去香港和台灣, 最直接的就是坐國泰, 可以在香港轉機停留. 但自從幾年前坐過一次國泰後, 實在太差了, 我們都極不願意再坐國泰.  最後Daddy用他的飛行哩數再加少少錢換了星航的新加坡香港來回機票, 然後再訂長榮的香港台北機票, 總花費還比直接訂國泰便宜一點.

今年新加坡樟宜機場有可愛的Sanrio 裝飾.

回香港前已經在我細佬開的餐廳訂了位, 因為囝囝們好鐘意舅父煮的西餐, 順便幫哥哥補祝生日. 今年哥哥生日正日時工人姐姐回鄉了, 我又忙, 所以完全沒慶祝.

上年回港時已經去Ilis 試過, 今年再去, 水準仍然保持, 還加了新菜式. 每樣菜一上枱, 小朋友們就狂掃, 所以我沒機會逐樣影低了.

雜錦拼盆, 樣樣都咁正.

哥哥至愛的牛扒, 一個人KO成碟.  在台灣時都有食過一次牛扒, 他說: "這個不錯, 不過還是舅父煮的好味."   

慢煮豬柳, 夠晒嫩滑.

舅父仔還特地訂了一打大大隻的生蠔給我們吃.

焗田螺配薯蓉

我媽咪最鐘意的羊架, 一啲都唔韌亦唔膻.

我還試了這啤酒, 甜甜的, 幾好飲.

舅父仔還預備了哥哥最愛的芒果蛋糕, 哥哥今餐食得勁開心.

Ilis 的食物真的好好味, 香港的blog 友去開尖沙咀佐敦一帶, 不妨去試試.

聖誕節和除夕有特別套餐, 快點打電話去訂位啦.

Ilis
尖沙咀山林道13-15號地下
電話: 2341 5628

食完豐富西餐後, 等囝囝們沖完涼上床瞓覺, 我和Daddy就和妹妹妹夫去食潮州打冷做宵夜.

明明已經好飽, 仍然繼續食.

辣酒煮冬風螺

Daddy 每次返香港都要食的豬紅, 因為呢邊無得食.

今次終於食到生腸啦, 超開心呢.  好耐好耐無食過生腸了, Daddy更加從來未食過. 而我依家先知原來生腸並非豬腸, 唔怪得和大腸粉腸的味道差咁遠啦. 

還有炸蠔餅

咁多餸再加兩支啤酒, 呢餐宵夜勁肥呀!

只係第一日咋, 已經食咗咁多, 所以我今次旅行足足肥了兩公斤, 依家要努力減肥啦.