旋風回鄉 (1)

每次停寫了幾日, 就好似沒有了momentum, 須要時間去再pick up.

友人問點解仲未寫香港行, 好吧, 現在就寫.

其實只有四日在港, 加上有兩個囝囝同行, 能做的很有限.

22.06.2012

到埗後第二朝就去迪士尼. 每次帶囝囝們回港, 都一定會去海洋公園或迪士尼, 上次回港去海洋公園, 今次就輪到迪士尼.

每次坐欣澳至迪士尼站之間的地鐡都會特別開心, 因為有迪士尼音樂聽, 又有得意米奇手挽, 仲有好多迪士尼卡通人物的擺設, 連車窗都係米奇哩.

這天颱風剛過, 天陰陰, 還有些過雲雨.  還好沒有行雷, 所以園內一切機動遊戲都照常運作.  其實這種天氣去迪士尼是很不錯的, 不曬又不算太熱, 而且也少人去, 不用排長龍.

先去Tomorrowland, 囝囝們最鐘意玩Autopia, 覺得自己大個仔可以駕車.

去探Buzz Lightyear, 射完Zurg (Buzz的老爸)入去店內囝囝們都唔捨得走, 想把所有玩具捧回家.

細佬好鐘意影相, 一見到覺得靚或得意的地方就會衝去擺甫士叫我幫他影. 

新開的反斗奇兵大本營, 見到Woody好開心呀.  不過原來裏面好細, 只有三個機動遊戲.

有人扮塑膠士兵和小朋友玩遊戲, 不過我覺得佢哋好慘呀, 大熱天時着到咁, 熱死!

同Woody和 Jessie合照.  囝囝們睇過晒三集的反斗奇兵, 裏面全部玩具佢哋都叫得出名.

遙控車, 和卡通裏的一模一樣.

外表可愛的遙控車, 實際上是和海盜船相似的一個遊戲, 我哋沒玩.  基本上所有的機動遊戲我都夠膽玩, 三百六十度旋轉, 洗衫機之類都沒問題, 唯海盜船我真的沒法子玩, 那離心力我受不了.

還是坐Slinky好玩, 這個適合大小朋友玩, 囝囝們都鐘意.

反斗奇兵大本營內還有一款像降落傘之類的遊戲, 但似乎仍未開始運作.

細佬一直嚷着到坐的旋轉木馬.

不能不去的小小世界, 有冷氣嘆, 慢慢坐在船上很舒服.

坐火車, 其實挺悶的, 但囝囝們喜歡, 而我們也可以坐下休息.

超多人排隊的Winnie the Pooh, 不覺得很特別呀, 不明白為何那麽受歡迎.

想睇埋煙花才走, 所以去中餐廳食晚餐.  這餐廳是美心經營的, 所以食物水準可以接受, 價錢也算合理, 當然在園內的都不會便宜啦.

我們叫了一個二人套餐, 侍應說再叫個炒飯或白飯就夠我們一家四口了. 本來也怕不夠, 打算等食物送上覺得太少再另外加餸, 不過原來是夠吃的.

粟米蟹肉羮, 很稀.

雞肉蝦球炒西蘭花

鎮江排骨, 好味.

不知名菇菇扒生菜, 二人套餐就真的只有兩片菇.

燒味拼盆, 乳豬, 叉燒和燒鴨, 不錯.

雖然全部細細碟, 但也夠吃了.

食完才七點半, 仍有半個鐘才到煙花時間, 多叫個木桶豆花, 慢慢食完剛好看煙花.

豆花普普通通, 不算很滑, 但夠豆香.

夜晚的明日世界好靚.

看煙花了.

看完煙花, 我和Daddy拖着極疲乏的身軀回家, 但兩個囝囝仍然蹦蹦跳, 真是精力旺盛.