旋風訪港(1）13 May 2011

噚晚由香港返嚟，話咁快旋風式訪港旅程就完結了。

上星期四晚到港，星期五就約了朋友去數碼港的艾美酒店食buffet lunch.  坐成個鐘巴士先到，揀嗰度並非因為嘢食特別好味，只為方便在那裹返工的朋友。

餐廳不大但有兩面窗，所以好光猛，枱之間距離亦啱啱好， 坐得好舒服。

食物選擇唔算多，但望落都好新鮮。

匈牙利海鮮湯，只有雜菜和魚塊，湯淡如水。

當日我食唔多，因為要留肚食第二日和媽咪去食的buffet, 所以主菜亦只試了白酒煮青口和燒羊架。

甜品反而選擇多，我只試了三款，其中最上面的粟子蛋糕最好味。芝士有四種，我拎了goat cheese 和 brie， 可惜兩樣都唔好味。

兩個人食埋單三百幾(員工折扣後）都算好抵，不過我諗都唔會有人專登坐咁耐車入去食，除非係住附近的薄扶林或貝沙灣。

食物都係其次啫，最開心可以同朋友一聚，邊食邊聊，很寫意。

朋友下晝請了假陪我，就決定去赤柱行一趟。上一次去係爸爸帶我去的，仍然好懷念哩，今次正好去懷緬一番。

有model 在影相啊，旁邊又有自由行師奶，好有趣的畫面。

美利樓

以前美利樓旁有一泥濘小徑通往海邊的一座廟，但今次去居然已經有整潔的步行徑，設備仲好完善，行到最上面的觀景台還有很乾淨的廁所。

好開心滿足的一日，朋友，多謝你抽空陪我。