九月香港行 - 中秋節晚餐

拖了一個月, 終於的起心肝寫番九月香港行了.

03.09.11
坐9.30am機, 大人都未瞓醒, 但兩個囝囝就精力充沛. 


兩兄弟拖住手, 頭貼頭讀安全指引, so sweet!



04.09.11
老表們一見面就玩到癲.


四隻馬騮大戰Daddy, 好混亂呀!


趁我們在港, 大家決定提前一個星期做節 (中秋節). 
我, 細妹, 我細佬和他女朋友一行四人浩浩盪盪的去街市買餸.  不明白為何要四個人一齊去, 但熱熱鬧鬧也不錯, 而且我也樂得兩手空空, 食物都由弟妹兩個提.
想食薑蔥焗蠔好耐, 新加坡很難有這種蠔賣, 才40蚊斤, 不能錯過. 


菜買回來後, 兩個姐姐負責洗洗切切, 我們三姊弟就趁空檔落樓下妹妹家玩焗曲奇.  在百無的情況下用焗爐紙摺成唧筒整唧花曲奇, 外貌慘不忍睹. (先聲明, 我全程冇參與的!)  眼見如斯狀況, 我決定番上樓上supervise姐姐們來得實際.  最後曲奇焗完是甚麼樣甚麼味道, 我沒過問. 




今餐由我和我細佬兩姊弟下廚, 七餸一湯 (媽咪煲的).
蒸奄仔蟹, 啱季節, 蟹好多羔.  每次返港都瘋狂地食海鮮, 蟹, 魚, 蜆全部都不能放過, 膽固醇勁超標.


蒸細鱗, 游水魚肉質真的和平時呢邊食開的魚差得遠.


黃金蝦, 我的新嘗試, 亂亂煮出來的.  大虎蝦非常彈牙, 不過我下調味重手咗啲, 鹹咗啲啲.


媽咪煲的靚湯, 蓮藕花膠豬橫脷豬踭湯, 好濃好好味.


薑蔥焗蠔, 不過這是失敗版.  媽咪屋企的爐只有一個大, 兩個細火,  大火那邊要蒸蟹蒸魚炒蝦..., 大家都非常肚餓等食飯, 我細佬就用細火那邊煮蠔, 結果火太細, 變了烚蠔, 一點鑊氣都冇.


妹妹買的乳豬, 在屋企樓下的酒樓買的, 超好味, 皮脆肉嫩又不會肥, 不過, 一啲都唔平, 這裏已經要百幾蚊啦.


買來的切雞, 但媽咪不愛就咁食, 要用薑蔥爆番香.


還有油菜沒影相.
一家人圍在一起做節食豐晚餐, 又熱鬧又幸福.
飯後食月餅, 小朋友鐘意食冰皮, 大人就愛半島奶黃月.