最受歡迎碟頭

我家最受歡迎的碟頭是乾炒牛河， 簡單的牛肉，芽菜，洋蔥，一點青蔥和河粉炒成一碟， 全家都會吃得很滋味。

上星期六買了芽菜來煮雪菜肉絲米粉，大佬見到我和姐姐摘芽菜，以為我會炒河粉。一看到是炆米，失望到不得了，所以噚日就順他意炒牛河。

這次炒得很像外面賣的，皆因夠油。其實我用的油量和平時我炒河粉時一樣，只是這次在街市買河粉時剛好是最後最下面的，所以河粉本身已經好油。 不過因為夠油，所以老抽更易撈勻。

兩個囝囝都食得好快。

今之河粉樣靚，但我見到咁油就怕怕，所以我好少喺外面食炒河。

Daddy噚日約了人食午餐， 走之前見到我炒河粉就投訢點解我揀佢出街食時先炒。

最尾食剩一大碗，Daddy番嚟見到話佢夜晚唔食飯，食番啲河粉就得嘞。到晚餐時， 兩個囝囝見到又話要食，結果三仔爺爭一湯碗河粉。

乾炒牛河做法請參考按此。