蠔仔粥, 蠔煎

星期六買餸時在魚檔見到有一桶桶的蠔仔賣, 第一次見有得賣, 即時買兩桶 (每桶有廿幾隻), 共S$9.

最近天氣非常酷熱, 連帶胃口也差了, 正好來個蠔仔粥.

蠔仔其實都幾大隻, 煮完都有成吋長. 

參考了大少奶書裏的食譜, 但沒有冬菜, 換上了自家醃的雪菜.  沒有大地魚, 用炸江魚仔代替.  這蠔仔粥湯底鮮甜, 又有蠔仔味, 一大碗還嫌不夠, 就算我那天的飯quota已滿仍忍不住再添.  下次再買到蠔仔時, 一定要安哥.

上次有網友問江魚仔是怎樣的, 特別影低, 不過這是炸過的, 沒炸過的是淺黃近白色的.

用了一桶來煮蠔仔粥, 另一桶Daddy說要食蠔煎(近似台灣的蚵仔煎吧).  我不是潮州人也不是台灣人, 真的不知道蠔煎要怎樣煮, 上網找, 有很多不同煮法, 跟了其中一個用蕃薯粉的. 

蠔仔先出水(3-5秒就夠), 蕃薯粉加水成粉漿, 加入蛋, 打勻, 加入蔥花和蠔仔, 落鑊半煎炸成蛋餅.  我貪快就一口氣將所有蛋漿落鑊, 結果變成不倫不類的另類蠔煎.  味道還可以, 不過沒煎夠香脆, 但又加了大量蕃薯粉漿, 感覺怪怪的.  下次要有耐心的分開幾次來煎.