一入到宜家門口, 就見到紅色有金黃色老虎圖案的圍裙和煲墊, 又平又應節, 即買. 呢啲就係嗰日嘅收穫, 新年到點都要買啲紅噹噹嘢來應節.
都冇乜點行就走去兒童部俾細佬玩, 細佬對住呢set廚房玩到唔肯走, 佢仲好認真咁扮洗嘢添.
十二點趁lunch crowd 未到, 先去Ikea Restaurant 食午餐. 少少哋叫兩個vegetarian pasta, 一個加肉丸, 一個齋, 再加兩隻炸雞翼.
細佬食得好開心, 自己用叉來食. 我早餐份腿蛋冶都仲未消化完, 炸雞翼最後要打包返屋企食.
返到屋企, 有驚無險, 時間啱啱好, 可以換埋衫, 再不留一絲出過街的痕跡, 因為如果大仔知道我帶細佬出街冇帶佢, 佢一定會唔開心.
大仔坐校車返到樓下, 問佢要去邊度食下午茶, 佢居然話Ikea, 佢以為我每次放假都會帶佢去Ikea. 最後去附近麥當當食兒童餐. 佢一個人食晒成份餐, 勁呀!
本來悠閒一日最終都一啲都唔悠閒, 下集再續.
No comments:
Post a Comment