芧頭年糕夾

你哋食咗年糕未呢?

我上星期己經食咗喇, 係食咗上年新年買既, 放咗足足一年, 趁未過年快手清咗佢先. 

小時候媽咪會將年糕片沾上蛋汁再煎, 但來新加坡以後, 發覺呢度d年糕一煎就好易燶, 好易痴鑊, 次次煎都攪到一pat pat. 

後來一個朋友請我食佢媽咪煎既, 一試難忘, 佢用芧頭片夾年糕來煎, 芧頭片既香口中和年糕的甜, 非常好味.

不過我自己都從來未整過, 因為我怕煎炸d油煙, 今次都係姐姐負責, 佢一邊整, 我一邊影相.

芧頭切薄片, 將年糕片夾在兩片芧頭片中間.

麵粉加水和少許鹽, 糖, 攪勻成粉漿, 每份芧頭年糕沾上粉漿.

落鑊用中高温半煎炸至金黃色.

配茶食就最啱.  而我呢就配何人可涼茶, 因為上星期覺得熱氣.

這兩天在香港很忙, 細佬發燒, 所以我好唔夠瞓, 又要趕住去買野, 怕新年後唔知初幾先開市.  今日下晝上二德惠, 人山人海, 排隊俾錢都排咗成半個鐘.  好多後生仔女買朱古力, 一定係買來整情人節禮物.

呢度亦唔方便upload相, 所以未必會出到blog, 請見諒, 但留言我會盡量回覆的.