昨晚終於做了計劃中送給同事的小禮物 - 唧花曲奇.
跟 Lyric 的食譜, 但始終新加坡天氣熱, 我又手腳慢, 保險啲放雪柜雪半個鐘先焗.
揾晒所有唧嘴, 偏偏沒有 Lyric 指明的六啞, 只有很小的五啞和很大的八啞. 馬死落地行, 兩個都試.
細嘴用膠唧袋唧原味, 開始時心驚胆跳, 怕膠袋會破, 好彩之前返香港我細佬給我特厚膠袋, 大大力唧都沒事. 細嘴唧玫瑰花還可以, 唧小花實在太醜了. 呢個細嘴係十元店一包三個既貨色, 所以品質始終較差.
厚膠略嫌太厚實, 唧完一盆手已經覺酸痛, 所大嘴換布唧袋來唧莫卡味. 結果唧完成手油, 布袋連cookie dough裏的油份都吸走, 唧完布袋裏仲殘留去油後的麵團, 以後還是用回膠袋好了. 嘗試用大嘴唧玫瑰花, 結果變成巨無霸! 唯有全部唧(大)花算了.
本來打算也弄綠茶味, 但兩個唧嘴唧出效果都未如理想 (或者其實自已技術差), 已經沒心情再弄第三盆.
用在Daiso (類似香港十元店) 買的禮物袋包裝, 再用存貨中的紅色絲帶裝飾, 攪掂.
後記: 第一次用呢個食譜, 焗完後沒試味就包裝, 今朝出門前試了一塊莫卡味, 好苦呀! 已經減了可可粉量, 但我用的可可粉真的太濃了. 可惜已包裝好, 沒法補救了.
No comments:
Post a Comment