放假在家, 毎日都要隌住兩個少爺, 仲更加冇時間.
星期一帶了他們去一個playgound玩, 係教會兒童部攪既活動. 呢個playground 响 Orchid Country Club 裏面, 要俾錢入去, 會員價好似係S$8一個鐘, 大人跟住入就收S$1一個大人.
裏面地方其實幾細吓, 不過d細路一樣玩得好開心. 細佬開始時淨係肯留响波波池.
威逼利誘下先肯行出波波池去玩其他野, 嘩, 不得了, 膽大包大呀, 係咁爬, 我同姐姐追到索氣.
大佬就爬上爬落, 不過相對細膽d, 要叫好耐先敢去glide.
兩個朝早淨係飲奶就出發, 但都玩到唔記得肚餓. 到午餐時間, 唔駛叫都自己衝去洗手, 然後去攞野食. 大仔同朋友仔一邊食, 一邊傾, 成盒雲吞麵食晒. 兩個細路傾d乜呢? 我淨係聽到佢地話一月五日一齊去植物公園, 唔知邊個要帶佢地去呢?
噚日我就真係帶左兩兄弟去植物公園, 去新開既Jacob Ballas Children Garden. 地方唔算大, 但好有教育意識, 不過大仔一入到去就鍊住個鼻, 話好臭. 我話係大自然氣息, 可能佢地用天然肥料. 唉, 真係要帶佢去鄉下地方體驗吓先得.
Potting garden 裏面見到好靚既茄子.
行了一圈, 就去佢地最鐘意既地方 - water play area. 地方其實好細, 不過一樣玩得開心.
玩完就去文東記食雞飯. 我俾佢地兩個攪到矇查查, 兩個大人, 兩個細路, 我居然叫半隻雞, 三碟飯, 一碟油菜, 加一個砂煲豆腐. 梗係食唔晒, 雞要打包走.
No comments:
Post a Comment