布吉遊 (一) - 起程篇

返嚟啦! 話咁快就放完假啦, 又要捱騾仔嘞.

講番布吉遊, 我揀咗坐Silk Air, 貴就貴少少, 但由新加坡去直航, 帶住兩個細路方便啲嘛.

個半鐘機都仲有飛機餐食, 我呢個係白汁鷄配牛油飯, 個樣麻麻但味道唔錯.

我懷疑Silk Air Singapore-Phuket 既飛機餐所有配菜都係一樣 - baby carrots and French beans, 因為回程嗰餐都係一樣既.  生果好明顯係罐頭嘢, 我無食. 

兩個仔仔既兒童餐都幾好食, 炸魚柳配茄汁長通粉, 仲有一包Kit Kat 同包裝美祿. 點解我知好食呢, 因為細佬瞓咗, 佢個餐俾我掃埋.

到埗己經五點幾, 坐mini-van去酒店. Mini-van 係酒店安排, 唔係免費架, 盛惠1800Baht一程.

大概五十分鐘先到酒店, 途中開始落大雨, 天黑晒, 心諗今次陽光與海灘泡湯了.

Holiday Inn 個 lobby 幾靚, check-in 都唔萛耐, 但好仔細, 毎個住客既資料都要記低.

我 book 兩間相連既 superior rooms, 一間有一張King bed, 另一間有兩張Queen beds. 咁既安排真係為 family 而設.  我同daddy, 細佬瞓 King bed, 大佬同印尼姐姐就一人一張Queen bed.

King bed 隔離張sofa 都幾乎有單人床咁大, 最尾嗰晚大佬就瞓呢張sofa.

大佬睇緊電視, 細佬响另一間房睇, 一人一部唔駛爭.

毎間房都有個露台, 好細, 都無辨法由自己房影, 要影人地嗰間.