星航SQ870

我依家身在香港, 今次有些事要處理, 所以自己一個人返, 比較多自由時間.

星期六坐星航返, 特價飛, 比原價平成200蚊坡紙, 但只限坐舊啲既機, B777-200.

我坐的班機真係好舊吓, entertainment system 都係舊既, 啲電影仲同節目表登的唔一樣添. 

你哋有冇遇過氧氣罩跌落嚟呢? 搭咗咁多次飛機都只係喺起飛前啲safety video見過, 但今次居然俾我遇上.

哈哈, 唔駛擔心, 成程機都好安全. 只係架機起飛時, 啲氧氣罩突然跌落嚟啫, 之後我想睇書都唔得, 因為啲罩擋住啲燈火.  為著安全起見, 啲空服又唔敢塞番入去, 全程機啲氧氣罩都响我頭頂fing 來 fing 去.  證明呢架機係幾需要upgrade.