日本行(2)

今次去日本只是公幹, 除了最後兩日有多一個同事加入外, 其餘時間都只有我和波士, 所以沒什麼機會去玩.

行程如下:

第一, 二日  大阪

第三, 四日  東京

第五, 六日 大阪

第一, 二日在大阪住的酒店叫Hotel New Hankyu Osaka, 在梅田站上面, 非常方便.  酒店很舊, 房裏面的墙紙都有少少剝落.

最有趣的是酒店居然沒有 business centre.  Check-in 時有個香港女士問柜枱可唔可以帮佢由thumb drive 印四頁文件, reception 話佢哋可以租架printer俾佢自己印, 1000yen 一日.  那女士當時已經唔多高興, 印四頁紙要租部機! 再問落去個reception話唔包紙, 跟住拎個地圖出來教該女士點去買紙.  佢即時火起, 話以後唔住呢間酒店......, reception 於是去問經埋, 返來話可以送五張紙俾佢.  我聽到真係覺得好搞笑, 不過我都好明白嗰位女士既感受.

第一日下晝開完會已經好攰, 晚餐在附近的Yodobashi Umeda 樓上餐飲區吃.  選了這間叫四季の味的餐廳, 專賣釜飯.

天氣比較凍, 見到窗櫥啲釜飯好吸引, 感覺食咗會暖笠笠, 所以即刻入去.

好彩外面有得睇, 個餐牌全日文的, 要靠估.

波士好想食牛, 叫咗個牛扒, 似孚係sirloin部份, 幾瘦吓但都好淋, 配埋旁邊個酸酸哋既汁食就啱晒, 旁邊啲配菜當然係俾我掃晒啦, 菜嘛.

呢set係我既, 碗飯最好味, 係有味飯, 裏面有荀絲和銀魚仔, 好鮮味.  冷麵都好食, 夠凍夠彈牙.  右下角的係青菜和菇菇沙律, 用芝麻醬汁, 好refreshing.  個天婦羅就麻麻, 油咗啲, 細細塊三文魚都係普普通通.

點解日本人咁鐘意食澱粉質呢?  咁大碗飯加咁大碟麵有乜可能食得晒呀?  我都食淨好多, 雖然好味但我都無能為力嘞.

呢set係我波士既, 佢好合作咁帮我影相. 佢個釜飯好好味, 個兜係好深架, 食到最尾都仲熱辣辣.  中間係魷魚刺身, 波士話好淋好滑, 好似食豆腐咁喎.

埋單3250yen, 响日本嚟講都算抵食.