Gathering @ 何老太 Apr 2010

多謝各blog友的關心慰問, 我已經好少少. 

呢幾日都瞓唔好, 變咗隻熊貓. 

星期六去了何老太家gathering, 多得早安夫人和Hanrik做攪手, 廿幾個人出席, 非常熱鬧.

多謝咩咩太寄來的大合照.

當日下晝才落機, 心情又差, 所以冇乜心機去social, 唔好意思.

Pot luck 形式, 好多好多嘢食.  有幾樣我都冇影到, 你哋可以去Hanrik 或 Mommy Dearest 度睇.

小食類, 有經典港式菠蘿腸仔, 囝囝成晚啩住收集啲旗仔. 金菇煙肉卷好味.

多款粉.麵,飯.

妹頭的菠蘿包, Mommy Dearest的紫菜肉鬆包和腸仔包.  全部都好正, 囝囝食咗一個菠蘿包加一個腸仔包.  我成晚食最多都係包包. 

早安夫人的炒雜菜, Mommy Dearest的茄子, 兩樣我都鐘意.

外賣組別, 各式餃子和大大隻燒雞.

咁我整咩呢? 就係呢煲啤酒炆牛肉(beef in beer)嘞.

我最愛的dinner party food, 因為可以一早預備定, 雪入冰箱, 要食時入爐焗熱就掂.

呢煲我都係之前個星期六上機前拿拿淋整的, 放入爐就出門去機塲了, 只交帶姐姐個半鐘後拎番出嚟, 攤凍後入冰箱. Gathering 當日就叫姐姐由冰箱拎出嚟解凍, 我落機番到屋企先入爐再繼續炆到淋為止.

我心情麻麻, 但囝囝就玩得勁開心.

臨走仲同Chloe 錫錫添, 俾何老太影低.