日本行(6) - 完結篇

想介紹吓東京住的酒店 - Best Western Shinjuku Astina Hotel.

酒店非常新, 應該開咗冇耐.  房間意外地寬敞, 東京標準算幾大.  床褥用上Simmons, 羽絨被又軟又輕, 瞓低都唔想起身.

酒店有一間餐廳, 供應早午餐buffet, 只收1000和 1200 yen.  如果房租包早餐的話, 早餐餐卷仲可以用來食午餐, 唔駛加錢.  1200yen外面都係買到bento咋, 居然食到酒店buffet, 仲係幾好食.

lunch buffet, 都幾多選擇架.

房租都好平, 單人房10700yen 一晚.  唯一缺點就係地點近"紅燈區", 行出酒店記得要轉左,  其實如果有男伴同行都ok, 但如果只係一班女仔就最好唔好揀呢間, 雖然真係好抵.

其中一晚日本客戶請食懷石料理, 好正, 食都磋住個肚, 但掛住食一張相都無影.  後尾諗起同波士講, 波士話以為我係客戶面前唔好意思影相, 所以冇提我.

最後一站返番去大阪, 呢次去偏僻啲叫堺的地方.  嗰度真係乜都冇, 只係火車站上面和對面分別有個兩小商場.  呢一站多一個同事參加, 我就同佢一齊撇低波士去explore.  當然係食食食和買買買啦. 

大阪暖過京都, 櫻花開得多啲靚啲.

好好味既小食.

小cafe裏面食下午茶, 件classic chocolate gateau好正, 朱古力味夠濃, 裏面仲好moist. 

再喺超市買咗呢兩樣返酒店做飯後甜品. 

最後再响超市和100yen店掃貨, 可惜喼細, 唔好以再買喇.

最後晚餐客戶請食日本西餐, 在一間標榜買法式麵包既餐廳食.  冇留意餐廳名, 因為唔近任何遊客點, 大概只有本地人先會去.  一邊食, 待應會不停咁拎新鮮出爐既麵包俾我哋揀, 全部都好好味, 好想每樣都試, 不過個肚裝唔落. 

右邊個包令我諗起Mommy Dearest既foccacia roll, 所以影低佢.

呢份係我既餐, 主菜係用wagyu beef整既漢堡扒, 配一個叫ponzu 既汁.  Ponzu 酸酸哋剛好中和牛肉的膩.

此行就此完結, 公幹為主, 所以冇乜玩, 但就不停咁食食食.