大清早六點半就起身準備去祟拜, Daddy 因為要事奉, 所以一早就己兩手fing fing咁出門. 而我呢就趁有時間預備定中種麵團, 等祟拜回來就整包包俾囝囝返學做茶點.
幾經辛苦先叫得醒兩位少爺, 結果晨早起身最尾都係遲到. 今朝又落大雨, 手抱一個再拖一個仲要擔摭, 攪到依家成身骨痛.
大仔起身見唔到Daddy就問Daddy去咗邊, 我話Daddy要早啲到教會, 已出門了. 跟住佢好緊張咁問: "咁我哋有冇車呀?", 我話有, 佢就即刻鬆一口氣. 家陣啲細路真係太驕生慣養, 等佢大啲要佢自己搭巴士.
啱啱搓好腸仔包同火腿蛋包, 未入得爐住, 聽日先俾你哋睇.
星期五整鮮奶球, 成三年冇整過嘞, 個面都唧得樣衰衰咁.
用從日本帶返嚟的麵粉整的, 日本粉真係幾好搓, 可惜只帶細喼冇辦法帶多啲.
用中種做法, 比較花時間但包包鬆軟有彈性啲.
出爐就係咁樣, 個面唔夠平, 可能因為減咗牛油份量.
一出爐兩個囝囝就急不及待分咗一個來食, 淨下來啱啱好第二朝做早餐.
我星期六早餐就係咁嘞, 包包配齋啡, 好味.
有個問題我始終都唔明, 點解呢款包叫鮮奶球呢? 個食譜係完全冇鮮奶噃.
今朝教會有派復活蛋, 原本兒童祟拜老師叫啲小朋友畫復蛋再拎番屋企, 但一個二個淨係掛住食, 即刻就敲爛個売剝嚟食, 細佬食得幾開心.
No comments:
Post a Comment