楓糖核桃無花果包, 焦糖核桃 (附做法)

今日呢篇要用廣東話寫, 因為要鬧人.

今日好嬲, 唔明點解有啲人對住外面公司啲人咁怕事, 成隻鵪鶉咁, 乜都話yes, 一啲立場都無.  俾人蝦到上頭, 居然不停妥協, 做人有啲底線可以嗎?

我答應放一半時間喺個project, 當然公司就應該charge人慣常收費啦, 嗰個外面人居然話要我填 time sheet, 把幾火, 家陣當我係temp. clerk 吖? 我話放50%就50%啦, 唔信既唔好做吖.  我即時出聲話唔駛, 直接平時我做開外面project 收幾錢就幾錢, 少個仙都唔得!

唔好意思, 你哋可能唔知我講乜, 唔緊要, 當我發噏風, 志在發泄吓啫.  若然你哋識得我公司啲人, 請唔好講番出嚟喎.

星期一留喺屋企一日, 當然唔止煮雞粥炒麵啦, 仲整咗包包.  雪櫃上下格都逼爆, 所以今次只可以做少量, 六個楓糖核桃無花果包. 

本來個食譜係要掃蛋汁喺面, 但我唔鐘意有時掃咗蛋汁啲包表面會痴立立, 所以改成撒粉.  原本只放核桃, 但發現雪櫃有包放了被遺忘了的無花果, 只剩下兩粒, 就加埋落去.   呢款包好好味, 有楓糖同蜜糖, 微甜但有楓糖香, 核桃又香又脆, 感覺幾健康.






現在有了KA搓包就容易多了, 把材料都放在攪拌缸, 開機由佢自己攪. 機攪時我可以做其他嘢, 呢日我出客廳睇書, 幾乎忘記KA正在勞動中. 突然醒起時, 衝入廚房, 麵糰己經搓好了.

一次過把買來的核桃焗香, 但這批核桃是我上次番香港貪平在旺角街市買的, 沒什麽味道.  所以整包包剩下的就用來做了焦糖核桃, 有了個焦糖面, 就算沒有核桃香, 也還算可口, 至少糖和脆.  這些放涼後就存在密封容器內給家人作零食.

焦糖核桃 (取自孟老師的美味蛋糕卷)

材料:
核桃  100g
糖 40g
水 30g
牛油  15g

做法:
1. 核桃用150度焗10-15分鐘.
2. 煲內放糖和水, 加熱至糖溶和表面充滿泡沫, 加入核桃, 不停攪拌至水乾和核桃表面封上一層糖霜.
3. 最後加入牛油, 續炒至核桃變成金黃色.