沒有自製包包做早餐的日子, 只好到公司樓下canteen食, 但最近canteen 食物每況愈下, 實在忍無可忍, 要出手搓包.
我最鐘意的裸麥包, 簡單易整, 雖然是齋包, 但有裸麥香, 個人覺得好好味, 連細佬都鐘意.
哥哥不肯食齋包的, 所以整了腸仔包, 用了牛奶餐包的食譜, 甜甜的帶牛奶香.
可能太耐無整包, 明明剛剛食完飯, 麵包一出爐老少爺們都一人搶了一個來食. 剩下的就不夠之後一個星期的早餐了. 我都想整多幾盆, 但冰箱長年爆滿. 你們自己看, 這個冰隔是專門用來放早餐食品的, 上面兩底包放入去剛好塞滿, 再多就沒位放了.
阿囡出世後，我都冇時間搓包呢
ReplyDelete要湊B好難有時間搓包, 等小B大啲先啦.
Delete你整左多多，引到我都想食番個。
ReplyDelete都係細細個,每次可以食兩個, 所以好快食完架.
Delete我都無整包好耐，部機都收埋左了。
ReplyDelete我部KA都係好耐先打開個cover嚟用.
Delete要買多個雪櫃喇。
ReplyDelete呢個雪櫃早兩個月至換架, 大過之前嗰個, 不過無論幾大都係咁滿.
Delete現在仔仔唔需要帶早餐我都做少好多，現在佢地好鍾意食意大利香草麵包，好容易做。
ReplyDelete我都鐘意意大利香草包, 不過屋企人都麻麻, 所以好耐無整.
Delete雪麵包要用好多位，冰隔實爆
ReplyDelete咪係囉, 又唔壓得喎, 搓包都要就住手, 唔可以一次整咁多.
Delete我始終都整得唔好食...麵包,我真係整唔到...T_T
ReplyDelete網上好多教人整包, 你睇多啲, 自己再試多幾次就會得架啦, 加油!
Delete