囝囝們有時在家裏一碗飯可以食足一個小時, 但遇上特別鐘意食物, 又可以五分鐘內食完.
上星期日姐姐放假, 我又留在教會詩班練習到很遲才回家, 索性晚上出外食.
大佬要去NUSS上游水堂, 順便帶細佬一齊去玩水.
游完玩完剛好晚飯時間, 到泳池旁的Cafe on the Ridge.
問囝囝們想食乜, 永遠係同一答案, 大佬: "Chicken rice!", 細佬: "Noodle".
不過今次兩兄弟才加多少少要求, 大佬: "I want pizza too!", 細佬: "I want cheese."
投其所好, 叫了一個雞飯套餐給大佬, 一個Hawaiian pizza給Daddy和大佬分, 一客spaghetti carbonara我和細佬兩份食.
碟意粉一到, 細佬就即刻叉落去.
我諗住等佢食飽食剩我才吃, 點知細佬好似無底洞咁食完一碗接一碗, 眼見所剩無幾, 唯有再叫一個小朋友餐 - 雞絲通粉湯連一球雪糕.
呢碗兒童份量的通粉就成了我當日的晚餐, 正好適合想減肥的我.
細佬人仔細細, 食完成碟大人份量的意粉, 仲要食埋我個兒童餐杯雪糕, 個肚仔漲卜卜.
大佬亦唔輸蝕, 食晒成碟雞飯, 再食多兩片pizza, 然後再食埋一大杯雪糕新地.
兩個飲飽食醉又玩夠, 回家途中在車上已經昏昏欲睡, 返到屋企刷牙洗面就覺覺豬了, 我就樂得輕鬆, 就算姐姐放假, 我都一樣可以咁悠閒, 又可以早瞓.
我都係咁話小朋友嘅食力真係好難想像....
ReplyDelete[版主回覆06/17/2011 09:33:00]細路仔就係咁, 唔想食嗰時, 真係激死.
玩完水當然超肚餓啦, 同埋碟意粉好似好細碟咁!
ReplyDelete[版主回覆06/17/2011 09:32:00]其實都唔細架, 加埋啲cream我自己食都覺漏.
我都認為是因為游完水， 所以特別肚餓。
ReplyDelete[版主回覆06/17/2011 09:32:00]都有少少可能既, 但佢真係鐘意忌廉意粉, 似似都食好多好快.
係啦, 如果D送岩胃口, 我囡就會話點解咁小飯既今日, 其實日日都係咁多架啦, 激屎!
ReplyDelete[版主回覆06/17/2011 09:31:00]就係囉, 成日都係咁. 鐘意食就唔停口, 唔鐘意食就含响嘴唔吞.
個意粉好正咁喎重有雪糕， 俾我都同您食晒佢
ReplyDelete[版主回覆06/20/2011 09:34:00]都係既.
好犀利呀...游完水特別餓既,佢地又要長高,係食多啲架啦..遲啲仲食得勁呀,(有次AN個4家姐同我講笑咁話,佢2個仔食野食到佢驚,食完一陣又食,食唔完, )
ReplyDelete[版主回覆06/20/2011 09:35:00]其實大佬依家都開始好食得, 隨時食得多飯過我, 但係都係瘦猛猛.
好呀！小朋友有胃口食野是福，快高長大！
ReplyDelete你咁fit又話要減肥食兒童餐；咁我呢種身材咪要絕食！
[版主回覆06/20/2011 09:35:00]我今年真係肥咗呀, 體重直線上升呀.
我細個時都係咁ga....鍾意食5mins就食完....唔鍾意/唔想食一個鐘都可以無乜郁過咁!! 激親阿媽添.....而家大個左就知阿媽當年苦心喇...
ReplyDeletebtw細佬好食得喎....ko完意粉...仲食埋雪糕....叻仔!!
[版主回覆06/20/2011 09:39:00]我細個唔可以食得慢架, 鐘意唔鐘意都要食得快, 因為爸爸以前好惡, 食慢啲就要挨打.
佢哋兩個都好擦得 - 如果嘢食啱胃口.