呢餐諗煮咩餸真係諗爆頭, 於是問Daddy想食咩, 佢話焗豬扒飯. 但我又唔想咁多功夫, 最尾都冇煮, 反而煮了Daddy最唔鐘意的連骨雞脾仔.
焗到金黃色的雞脾, 皮脆肉嫩, 兩個囝囝食得最開心.
要補償Daddy冇得食焗豬扒飯, 煮了另一樣他的至愛 - 煎實豆腐. 只係買現成的實豆腐用油煎至金黃色, 佢就食得津津有味. 其實佢有時都唔難服侍既, 平平哋豆腐就攪掂. 煎實豆腐(呢邊叫豆干)係我奶奶的專長, 佢煮嘢食麻麻, 但呢樣佢最在行, 煎得好靚架. 我就唔識煎嘞, 所以由姐姐負責.
就咁煎實豆腐係唔可以滿足我既, 呢碟就啱我嘞. 姐姐煮的青辣椒炒豆干粒, 辣辣哋好開胃. 大佬見到煎到金黃色的豆干粒, 就即刻拎嚟食, Daddy居然睇唔出有辣椒, 由得佢拎, 一含落嘴即時衝入廚房灌水.
仲有腐乳炒通菜, 唔影相嘞.
粉葛赤小豆排骨湯, 加了紅蘿蔔, 赤小豆, 扁豆, 蜜棗, 煲了三個鐘頭, 紅蘿蔔都煲到溶, 湯濃到好似飲緊綠豆沙, 超讚. 姐姐睇火煲出嚟啲湯就會比較油, 因為佢唔似我咁有心機去撇油.
我都好想食焗豬扒飯呀!!
ReplyDelete[版主回覆06/02/2011 08:49:00]自己整啦, 唔難整.
原來你家DADDY咁好笑... ..
ReplyDelete要開飯時, Daddy叫停所有人, 話要等我影完相先可以食. 難得佢咁有心, 就影低呢餐. Daddy仲同姐姐講: "要影低呀, 咪陣間佢話冇嘢post".
[版主回覆06/02/2011 08:50:00]佢係成日講笑架, 所以有時都唔知佢邊句真.
個湯超級正呀!!!我好耐無煲湯勒!!!
ReplyDelete[版主回覆06/02/2011 08:50:00]咁就要煲番啲嚟飲啦, 飲湯有益呀.
我認識的褔建人都喜歡吃這種煎豆干， 但要加辣的。
ReplyDelete[版主回覆06/02/2011 08:51:00]我老爺係福建人, 奶奶係潮州人, 可能係咁所以鐘意食煎豆干啦, 不過Daddy唔食辣.
我好鐘意個豆腐呀 辣辣地開胃呢
ReplyDelete[版主回覆06/02/2011 08:52:00]係呀, 我家姐姐煮得好好味, 仲要好有耐性咁慢慢煎到粒粒金黃色. 我都要去偷吓師先.
幾個餸都好正, 我未試過咁多雞鎚放上檯架, 見到口水流喔!
ReplyDelete[版主回覆06/03/2011 16:01:00]我一家五口, 梗係要多啲先夠食啦.
我都鐘意食焗雞脾， 但次次都焗燶！
ReplyDelete[版主回覆06/03/2011 16:01:00]點解會燶呀? 不如下次用錫紙冚住嚟焗, 差唔多熟先拎開張錫紙焗多陣嚟上色.
開飯lu。。。米住。。。。chap chap chap先,你家Daddy好識做呢！
ReplyDelete[版主回覆06/03/2011 16:00:00]佢費事俾我話嘛.
好好味呀啲菜..正呀,比你提起,好耐冇煲粉葛赤小豆排骨湯,好想飲呀..
ReplyDelete[版主回覆06/03/2011 16:00:00]去買粉葛煲啦. 不過AN知唔知粉葛係點樣架? 我以前都唔知, 去街市拎起個蕃薯問菜販係咪粉葛, 瘀爆.