"健康"版墨西哥包

失踪了幾日, 因為星期日崇拜完後就去了教會的生活營, 昨天才回來.  生活營的相要時間執, 遲少少先post.

為免你哋掛住我 (不要臉啊!), post住舊作先.

上次整地瓜泥蛋糕卷買了日本黃色蕃薯, 有剩的就用來整包包.  本來想跟仙姐的十七小時紫蕃薯麵包, 但不夠蕃薯做餡, 就改成齋包.  又怕齋包囝囝們唔鐘意, 於是加多層墨西哥皮上面, 把原來健康的蕃薯包變成不太健康. 

用了十七小時麵種, 包包很鬆軟, 有香香的蕃薯味, 加了墨西哥皮, 外脆內軟, 不錯, 不太甜剛合我意.  但囝囝哋嫌不夠甜, 唔鐘意, 最後全部都是我一個人消化掉.