有朋自遠方來, 不亦樂乎 (1)

有朋友自遠方(都唔係遠, 香港啫)來, 當然要盡地主之誼, 熱情款待.

為食的我, 招待方式離不開食, 食和食.

第一晚到老巴刹 (Lau Pa Sat), 未夠六點就到, 路還未封, 只能坐裏面, 亦看不到沙爹檔烤沙爹.  但他們一家大清早起身上飛機, 都已經好攰, 等不了再晚一點去.

他們之前下午茶時間吃了點, 還飽, 就隨便點了沙爹, 炒粿條和蠔煎, 一人一杯鮮搾庶汁.

三蚊碟炒粿條, 大大碟, 熱辣辣, 抵食, 最重要味道唔會甜.

蠔煎, 幾多蠔, 但略嫌生粉水多咗啲.

第二天他們去了Universal Studio, 兩個細路玩得很盡興, 只難為朋友夫婦倆全程做阿四, 但帶小朋友出門就是這樣.  晚上帶他們到Vivo City的無招牌吃地道辣椒蟹, 加上我一家五口(連姐姐), 叫了一隻辣椒蟹, 一隻白胡椒蟹, 炒小芥蘭, 炸蘇東(墨魚)油條, 炸蝦棗,  砂煲豆腐和麥片蝦.

小朋友最愛炸蘇東油條, 一下子被搶光, 大人都沒機會試.

細佬不停地手指指碟炸蘇東油條叫"I want this, I want this"

麥片蝦非常正, 那些麥片明知油膩, 還是忍不住一羮接一羮地吃. 

主角蟹上菜時, 相機memory card突然失靈, 沒法拍照了.  改用手機影, 但明明辣椒蟹影出來變成咖哩顏色. 

用炸饅頭來點辣椒蟹個汁, 一流.  可惜呢隻蟹冇蟹膏.

碟白胡椒蟹有勁多蟹膏, 但白胡椒少了點, 似薑蔥焗蟹多啲. 

呢餐盛惠二百零, 五個大人四個細路, 都算ok, 多謝daddy請客.