下晝四點半才收到電話, 飛車到Pasir Ris接他們來我家.
時間倉促, 隨便煮幾道小菜招呼他們.
蒸金目鱸

1.5 公斤貢貢, 下晝我親手用小刷逐粒逐粒刷乾淨的, 花了我半個多鐘, 特地調了個泰式醬汁來蘸.
金華火腿蝦仁冬菇炆魚鰾 和亂做的金銀蛋紅莧菜.

還有從附近打包的蝦醬雞和排骨王.


大大張的長飯桌終於派上用場, Daddy為了呢張枱哦了我七年, 說它太大, 阻地方. 嗱, 你睇有大枱幾好, 九個人都坐得晒.

雖然家常便飯, 大家都食得好開心. 朋友的囝囝來了新加坡三天, 呢餐是第一餐坐定定食晒碗飯. 所以幾時都係住家飯好啲, 尤其有小朋友一齊, 至少啲細路要玩, 大人都可以繼續安安樂樂咁食, 唔駛追住佢哋.
飯後有Surprise生日蛋糕, 之後小朋友就一齊玩. 現代小朋友一齊會玩乜? 電腦就係首選嘞.

都唔係亂做吖! 似模似樣,整得唔錯.
ReplyDelete[版主回覆09/03/2010 11:31:00]真係亂做架, 我都唔知真正應該係點整架, 味道都ok, 不過daddy話多啲咸蛋會好食啲喎.
wow, 好熱閙喎, 咁多人. 重係9個人係屋企食飯, 煮餸都辛苦呀. 又有咁大張枱, 您老公無得出聲啦
ReplyDelete[版主回覆09/03/2010 11:26:00]熱鬧又開心, 我鐘意開dinner party. 都係簡單家常菜, 一啲都唔難, 只係碟碟都比平時大啲啫.
有小朋友, 確係在家用餐較舒適!
ReplyDelete[版主回覆09/09/2010 14:02:00]住家飯最正!
貢貢係唯一像香港東風'x累'嘅蜆類,我鍾意食呀
ReplyDelete[版主回覆09/09/2010 14:04:00]我成家都好鐘意食貢貢, 但唔係成日有得賣, 今次買到既有部份唔太新鮮, 可惜.
養兵千日, 用在一朝!
ReplyDelete張枱終於出一口氣La!
[版主回覆09/16/2010 13:41:00]佢終於吐氣揚眉, 唔駛再俾人話.