簡單但美味的晚餐

Daddy出國的日子, 星期日就只有我和囝囝們, 一早起身返教會, 回到家都好攰了, 晚餐時間就會煮些簡單點的.

超市見到減價的flank steak, 於是煮了一小碟的清酒牛扒.  這菜以前煮過, 食譜可參考舊post.

之前醃好, 每面煎兩分鐘, 很快就完成. 煎牛扒鑊一定要夠熱, 所以我會用de Buyer鑄鐡鑊.  這鑊我其實好多少, 姐姐絶對不會用的(易潔鑊當然她是首選), 仍然未夠黑.

一塊二百幾克的牛扒, 我怕囝囝們不夠吃, 另外加多一小碟的蒸魷魚. 之前見Mommy Dearest 煮過, 有樣學樣, 不過我買不到BB魷魚, 用普通魷魚都OK.  魷魚加薑絲和蒜蓉來蒸, 蒸熟後將大部份水倒掉, 撒上蔥粒, 灒熟油, 淋點豉油即成. 清清哋都好好味, 細佬連蒜蓉和蔥粒都掃得乾乾淨淨.

晚餐我都不想吃太多肉, 所以預備兩碟蔬菜, 烚小棠菜和簡單沙律.  有些家庭姐姐放假那日都會出街食, 但其實自己在家煮也可以很快很方便, 又可以食得健康.

清酒牛扒 (食譜)

上星期在超市見到flank steak減價, 由$34.9/kg減到$19.9/kg, 當然即買.

以前從來不知道flank steak是什麽, 更不知道怎樣煮.  後來在Annielicious的blog內見到sake steak 的食譜, 好吸引, 心思思想煮.

今次買到平flank steak, 立刻就試煮. 勁好味呀!  囝囝們說這牛肉比酒店自助餐的燒肉好味哩.

抵食和牛餐: 蒜香和牛粒

星期六晚帶哥哥去商場配眼鏡, 離開前入Cold Storage超市看看有沒有特價貨.

嘩, 不得了, 澳洲和牛特價!  便宜到難以置信, 比普通的肉眼扒還要便宜.  S$29.9/kg, 原價S$69.9/kg.

買了兩片, 打算每片開二來煎, 剛好我們一家四口吃 (姐姐星期日放假).

韓國米酒炆牛肉

昨晚和我的聲樂老師去看蝴蝶夫人歌劇, 八點開始, 完場已經差不多十一點, 開車回家快快沖涼都要十二點才睡, 今天好攰呀!

攰點也值得的,  歌唱得很好, 雖然演方面感覺有部份時間少了那麽一點點的投入感, 但大致上整個劇都很不錯.

哥哥很想跟着去看, 但這齣劇要十二歲以上才能入場, 不能帶他去看, 他很失望哩.

星期日的晚餐煮了這個韓國米酒炆牛肉.

黑椒牛柳粒

前兩日去了一個好無聊的course, 又悶又累, 每日放工後累到什麽都不想做了, 所以沒有update.

昨晚要睡時下起大雨, 細佬又趁機來我房裏睡, 把Daddy踢去和大佬瞓.

細佬睡在我旁邊, 把頭枕在我的枕頭上, 臉貼着我的臉, 然後把手搭在我身上, 真夠親熱.

我問他: "Why do you want to sleep with mommy?"

他說: "Because ... I love you, you know."

嘴巴超甜, 受不了.


好多個星期前煮的黑椒牛柳粒, 煮了兩次才post出來, 可見我最近很少寫blog.

以前沒煮過, 所以只買急凍ribeye 來試. 第一次煮是在Daddy去了公幹, 姐姐又放假, 所以和兩個囝囝撐枱腳就隨便煮.  牛扒沒用刀拍鬆, 洋蔥也沒有, 只加了一點乾蔥碎, 用喼汁和豉油調味, 效果也不錯, 只是那牛肉有點硬, 始終不是高等級的牛肉.

牛扒餐

上星期六又去Clementi街市的牛肉檔入貨, 本來只打算買牛腱, 付錢時眼尾瞄到一塊好像是可以切成牛扒的肉, 順口問老板有沒有賣牛扒, 不出所料, 他就拿起我瞄到的那塊肉, 說有.  之後就向我介紹他的牛肉是從新西蘭入口, 新鮮的, 那塊可以切成牛扒的叫肉頭, 即striploin, 那天的特別嫩 ... (下刪幾百字)

看樣子不錯, 才賣S$26/kg, 比平時超市便宜一大截, 值得試試.  叫老板切了四片, 算我S$17.5, 但每片幾乎有200g重哩，應該是收便宜了.

星期日決定煮這牛扒做晚餐, 但想不到用什麽配菜.  家裏只有菜芯, 芥蘭之類, 薯仔也只有兩個.  五點多趕快下樓到對面超市, 買了一點甜豆和澳洲蘆筍.  本來想簡單的烚new potatoes就算, 但超市的new potatoes全都出芽了, 只好買普通薯仔.  薯仔買回家時都要六點, 怎麽煮好呢?  薯蓉就最方便, 但大仔不吃.  焗薯角囝囝們就一定喜歡, 但怕熱氣.  最後決定整忌廉焗薯, 應該要150度焗1.5小時, 但我只有一個小時, 用最快速度刨皮切片, 用170度來焗, 出來也OK.

這就是那天的晚餐了, 牛扒只用橄欖油和黑糊椒粒來醃, 大火每面煎分半鐘就是medium rare (我的爐很猛的), 煎好才撒上鹽調味. Striploin脂肪較少, 肉質當然沒我平常買的ribeye 嫩, 但論價錢是很不錯了, Daddy也讚好吃, 有機會再看到會再買.

牛腱兩食 (附做法)

今日是這星期最後一日返工了, 明早就度假去了, 呵呵呵!!!
這次我們去民丹島(Bintan Island) 的Club Med, 四日三夜, 星期六才會回來, 所以留言要遲些再覆.
自從發現了Clementi Central的街市有新鮮牛肉賣後, 煮牛的式就方便多了.  雖然在家附近, 但每日只開到中午, 所以只有星期六才會去, 每次總會買多些存在冰箱, 想食時隨時可以煮.
這是姐姐亂亂煮的牛腱湯, 加上生芽菜, 超好味, 很有越南牛肉粉的味道, 只少了basil 和酸柑而已.

做法也很簡單:

京汁牛仔骨, 金銀蒜粉皮蒸帶子 (食譜)

最近極少下廚, 但星期一細佬生日, 點都要親自落廚煮幾味.  從冰箱裏挖出一包急凍牛仔骨和連殼帶子, 都是個幾月前買的.第一次在新加坡買到牛仔骨, 在Mmmm見到時, 多開心, 即刻買一包回家.其實我從來未煮過牛仔骨, 印象中也好像沒食過幾次, 最記得是以前的韓國藉老闆請食bbq時食過.之前和妹妹傾電話時, 她說剛煮了牛仔骨, 於是立即問佢點整.  佢話係我爸爸以前的煮法, 好好味的.  爸爸以前的煮法?  點解我從未食過呢?  唔公平呀!  一定係在我離開香港後才煮的.這就是經我妹妹口述我亂亂做出來的, 汁裏面有茄汁和喼汁, 就叫做京汁牛仔骨吧.

紅酒燴牛尾 (食譜)

先預祝大家情人節快樂! 
見blog上有很多情人節食譜, 等我都湊下熱鬧.
這個紅酒燴牛尾煮法好簡單, 做法是我自己亂拼湊出來的, 但成功率是百分百.  曾口頭告訴一位極少下廚的男同事, 他一試便成功.  我妹妹照我的食譜煮, 也是一take就ok.  你們不妨試試.

食譜是我怱忙地憑記憶寫給我在美國的妹妹的, 應該沒錯漏, 但抱歉是英文, 以後有空而有人要求我才翻成中文吧.

牛腩兩食

上星期好忙好忙, 工作忙, 放工後又有嘢做, 唔得閒update個blog, 今個禮拜希望可以勤力啲啦.

噚日姐姐放假, 我又可以霸番個廚房一日.

朝早去教會, 食埋午餐先番屋企, 咁可以煮少餐嘛. 

上星期日買定牛腩存入冰箱, 噚晚就整牛腩兩食 - 柱候牛腩, 蕃茄洋葱紅蘿蔔牛腩湯.

加埋白蘿蔔和百頁結嚟炆, 蘿蔔炆到入晒味, 好好味.  大仔從來唔食蘿蔔都食咗幾舊, 細佬都食得好快, daddy當然話好食啦, 佢鐘意食牛嘛.