Vienna Boys' Choir + 店小二燒鴨

啱啱發現新版可以同時選幾項分類, 幾方便.
轉新版以後, yblog都好冷清.  依家全民升級後, 希望會熱鬧番啦.
08.10.2011
上星期六去睇Vienna Boys' Choir concert, Daddy對choir沒興趣, 細佬太細唔入得場, 所以只有我會大佬去.
不過之前Daddy陪我們去Marina Shopping Centre 的店小二食飯, 然後他在那裏等我們散場再一齊返屋企.
好鐘意去店小二食, 好味又抵食.  今次叫了最經濟的二人套餐, 加多碗飯三個人剛好.
當歸燒鴨, 皮很脆, 肉也嫩, 而且一點臊味都冇.  大佬起初話唔要鴨只要雞(去邊揾雞呀?!), 但食一啖就話好好味, 跟住一個人食晒半碟.

可選東坡肉或蒙古排骨, 我每次都揀東坡肉, 因為東坡肉功夫多, 自己在家不會煮的.  樣已經夠吸引, 而且真係好好味.

近鏡睇, 一啲都唔肥哩.

鹹魚粒青檸汁炒小芥蘭, 菜又脆又甜, 加上鹹魚粒和青檸汁, 夠開胃.

還有每人一盅的青紅白蘿蔔排骨湯, 都不錯.

這餐食得又飽又滿足, 這套餐才S$38, 加飲品加花生加濕紙巾再加一埋單也不50大洋.
食飽飽後仍早, 慢慢行去Esplanade.  每次囝囝可以獨霸我和Daddy時就會特別興奮, 紮紮跳. 



Esplanade 有戶外表演, 是印尼傳統"大戲", 只看服裝和跳舞還好, 但它的唱法我受不了, 好似鬼叫, 半夜聽到實嚇親. 

在海邊(應該是水塘邊, 因為這裏已經被圍起來變成水塘)坐了一陣, 就和囝囝入Concert Hall.  還好Daddy送我們到門口, 原來唔止表演時唔影得相, 連相機都唔帶得入去, 要寄存, 我索性叫Daddy拎走. 入場時實Q會搜袋的, 好似連飲品都唔帶得, 焗人要半場時買貴嘢.
唔俾影相我都可以理解, 但唔準帶入去就有啲過份.  半場時或未開場時想影都唔得, 又唔影響到表演者, 點解唔得呢? 害我想幫囝囝在Concert Hall內影張相都唔得, 而且個Hall裏面好靚架, 都唔影得.  見到有人拎起手機在未開場時自拍, 仲要唔係向住台影, 工作人員都即刻上前話唔影得, 駛唔駛咁誇張呀!
個Concert好聽, 因為只係23個小男孩企定定在台上合唱, 所以唔需要買太貴的飛, 因為冇咩特別嘢睇, 用耳仔聽就可以.  但如果對聲樂有特別研究的, 以前朋友曾經話過我知聽唱歌最好係circle1, 聽風琴就要Stall 的 row P喎 (如果我冇記錯的話).
那23 個小男生最細的可能只比大佬大一點, 但全部都好厲害, 表演十幾首歌, 全部背熟, 唔駛睇譜, 仲唱得好好聽.  其實小男生未變聲前唱高音最好聽, 比女高音更悅耳.
裏面唔影得, 只好給大家看場刊.