奶奶生日快樂

祝奶奶福如東海, 壽比南山, 最要緊身體健康.

星期日中午我們去Raffles City Shopping Centre 的老香港傳奇慶祝奶奶生日, 有我親手做的超濃郁classic chocolate gateau.

我媽咪當然和我們一齊去, Daddy叫奶奶坐近我媽咪, 我就夾在中間, 真正的左右逢源, 夾餸時夾俾媽咪先定奶奶先都是問題, 好彩呢種機會好少有啫. 

誠心許願

切蛋糕, 奶奶笑得好甜呀.

因為那天一早要去教會, 蛋糕要在室外成個朝早, 所以整不用冷藏的classic chocolate gateau.  今次焗得啱啱好, 裏面仍很濕潤, 奶奶話好味喎.

剛焗好時很飽滿的, 有點像巨型朱古力muffin.  這蛋糕很方便快捷, 由磅材料至焗好, 前後不到一個鐘頭. 媽咪第一次親眼見我焗蛋糕, 還說"原來咁簡單", 哈哈.

這蛋糕攤凍後中間會收縮, 是正常的.  蛋糕要在三十度高温耐幾個鐘頭, 所以不敢放生果或糖霜之類來裝飾, 只簡單以絲帶圍邊.  原本用了這個膠托, 但看來看去都覺得有點怪.

最後換上紙托, 順眼得多了.