辣椒螃蟹@Jumbo

每逢有海外客人, 我都會趁機去食辣椒螃蟹, 今次媽咪過來, 也不能例外.

經過上次East Coast No Signboard的經驗, 不敢再去No Signboard了.  Daddy提議去East Coast的Jumbo Seafood, 但星期五由西邊去東邊怕會塞車, 最後決定去附近的Jumbo@Dempsey.
Dempsey Hill以前是軍營來的, 現在軍營遷走後, 以前的樓房就變成餐廳或商店了.  附近都沒有高樓和住宅, 環境優美.

我們選了室外座位, 在月亮星光下用餐, 別具風味.  當日朝早落過雨, 所以坐室外仍然很涼快.

可能因為Dempsey Hill多外國人光顧, 枱面佈置都很骨子, 每個位都有一個裝了茶和一粒青柑的小碗給人食完蟹後洗手.

小朋友至愛 - sotong 油條, 即墨魚膠釀油炸鬼, 墨魚膠彈牙, 油炸鬼夠脆夠香口, 而且炸得一點都不油.

和囝囝們外出一定要有雞, 所以叫了半隻炸子雞.  想不到以蟹作主打的餐廳, 炸子雞可以有如此水準. 皮又薄又脆, 但肉卻仍嫩滑, 就算雞胸肉都不嚡.  此碟一上囝囝們就急不及待夾了, 所以只影到部份.

主角辣椒蟹, 出場時天已黑, 我的相機只能影到這樣.  蟹肉鮮甜爽口, 辣椒汁挺辣但真的好好味, 比無招牌的少了點甜味.

媽咪食大蟹拑, 多開心!

蒜蓉炒小芥蘭, Daddy問點解普通青菜都要影, 因為這碟清菜炒得好好, 菜仍然翠綠, 咬落脆口, 味道又剛剛好.  我們都對這碟看似平平無奇的炒菜都讚不絶口, 這碟菜讓我決定我以後要轉到Jumbo食, 上次的無招牌實在令我太失望.

最後是讓我們久等, 幾乎要取消order的海鮮豆腐煲, 大大隻冬菇炆得很入味, 海鮮料也很豐富, 有大蝦, 魚塊和魷魚, 只是稍嫌鹹了點, 但可能因為這時大家的白飯都已經食完要空口食,如果 配白飯可能會啱啱好.

這餐十分滿意, 價錢亦很相宜.