契爺到訪(1)

終於的起心肝寫低囝囝契爺訪新之旅.

囝囝契爺係德國人, 我以前的同事兼好友.  我陀大佬時佢就返德國, 佢話好可惜睇唔到囝囝出世, 於是我話將囝囝俾佢做契仔. 佢呢個契爺真係好認真架, 每年大佬生日同聖誕節佢都會寄禮物過嚟俾佢.  佢結婚時, 我仲成家飛去飲添, 嗰時大佬才歲半.  所以大佬有成五年無見過佢, 但都仲會記得, 因為年年生日禮物寄到時, 我就拎契爺張相出嚟俾佢睇嘛.

今次朋友一家三口過來玩, 行色匆匆, 只留新三日, 之後去巴里島玩.

到埗第二日, 我請假陪佢哋去動物園玩.  佢哋好欣賞呢邊的動物園, 因為開放式, 動物唔係困係籠裏面.

去之前先食午餐, 約了在Holland Village 的 Crystal Jade Kitchen食.  Fritz (朋友囝囝)好鐘意食麵, 食完碟油雞麵仲叫多碟齋麵.

食飽飽就出發去動物園, 三個小朋友一見到啲鸚鵡就話要一齊影相. 三個小朋友, do re mi 咁好得意.  Fritz 細大佬兩年, 雖然佢只識講德文唔識聽英文, 但見到我兩個囝囝就好興奮, 成日想拖佢哋手.  不過佢兩兄弟又鬼咁高竇, 唔拖佢.

細佬見到班馬自己話要影相.

雖然Fritz聽唔明, 但都好留心聽大佬讀出啲植物資料.

小朋友的終極目標就係Kids Kingdom 裏面的玩水設施.

三隻馬騮玩到癲.

細路玩得起勁, 我哋大人就企係烈日下乾曬.  正苦惱緊點將佢哋叫走時, 朋友太太好醒咁帶住大佬同Fritz去更衣室.  我問佢點叫得郁佢哋, 佢話答應請佢哋食雪糕咪得囉.

外國人湊細路同我哋好唔同, 囝囝哋玩完水我哋就同佢哋沖涼跟住換衫, 朋友就咁由得Fritz着住泳衣濕淋淋出入冷氣, 我真係怕佢會冷親.  Fritz之後就繼續着住泳衣行動物園, 直至件泳衣乾晒佢父母先幫佢換.  姐姐好睇唔過眼, 係咁响我耳邊話做乜佢哋唔同個仔換咗件泳衣去.

Fritz 好嗲好cute, 好sweet咁拖住我行, 冧死我啦.

見到有人個大肚tum嗎?

玩到五點大家都又攰又熱, 於是開車去食晚餐.

契爺以前好鐘意去Alexandra Village個小販中心食bbq seafood, 所以今次都要去食.  我以前都係佢帶我去過, 我先知有間咁好味又抵食叫榮光鐡板燒魚的檔口. 佢哋啲sambal chili 好出名架。

BBQ 魷魚（sambal sotong) 唔太辣, 但好香好正.  馬來風光(馬拉盏炒蕹菜)都炒得好好, 夠鑊氣.

契爺的至愛chili crayfish, 啲crayfish肉勁彈牙好新鮮, 仲叫咗魔鬼魚，但冇影相。

仲有炒飯, 炒麵, 叫完又再叫.  佢哋兩公婆邊食邊話yummy, 幾乎每食一啖就發出讚嘆聲, ahh..., ummm, 好似拍緊美食節目咁。可惜我要駕車, 唔飲得啤酒.  呢餐食得好滿足, 我太攰只食少少, 但見到佢哋食得咁開心就夠滿足了.

Rong Guang BBQ Seafood
Alexandra Village Food Centre
127 Bukit Merah Lane 1 #01-230
Singapore 150127
Tel: +65 6278 7579 website
Opening hours: 4 – 11pm (Closed on Tuesdays)