一早起身, Daddy就同佢講Happy Birthday, 佢只係望一望Daddy但就冇反應.
星期五整的手指餅就是用來整呢個Charlotte Aux Fraises (strawberry charlotte)作為細佬的生日蛋糕.
手指餅唧得麻麻, 邊邊唔夠直, 餅與餅之間有窿窿. 唔緊要啦, 咁先睇得出係home-made嘛.
晚飯前我先幫個蛋糕扮靚, 佢見到就一路想開雪櫃拎士多啤梨嚟食, 我要睇到實, 因為成盒士多啤梨放晒上去, 冇spare架. 食完晚飯都未落格, 囝囝們就嚷着要食蛋糕.
有得唱生日歌和吹臘燭, 小朋友就最開心.
叫住唔好吹, 等我影相先, 最尾都係等唔切.
呢個蛋糕兩個囝囝都好鐘意食, 你睇細佬幾開心.
大佬好犀利, 自己一個幾乎食咗四分一個六吋蛋糕, 邊食邊讚, 仲話佢生日都要呢款蛋糕喎, 不過上面要係Elmo. 唔係嘛, Elmo蛋糕面已經整過兩次, 你唔悶我都悶啦.
蛋糕的內心世界
下面係朱古力榛子脆脆, 大佬指定要的. 蛋糕主體係士多啤梨乳酪慕絲 (strawberry yogurt mousse), 加了plain yogurt, 用少了忌廉, 健康啲. 中間夾了兩層薄薄的海綿蛋糕, 慕絲很滑, 唔太甜, 蛋糕亦很軟, 所以大佬食到欲罷不能呀. 上面的是韓國士多啤梨, 雖然唔算紅但卻鮮甜多汁.
今次特地去買了一盒現成strawberry puree來整, 反正一盒1kg才S$12.x, 比用新鮮的平, 放一盒在冰箱看門口也不錯.
細佬生日快樂呀
ReplyDelete[版主回覆03/01/2011 22:05:00]多謝姨姨。
弟弟生日快樂! 祝您身體健康!
ReplyDelete哥哥好鐘意elmo呀?
[版主回覆03/01/2011 22:07:00]多謝姨姨! 咁佢又唔係等別鐘意ELMO，仲有其他卡通人物佢都鐘意，可能佢知ELMO已經係我能力極限啦。
細佬生日快樂, 唔係ar, 個蛋糕好靚喎, 我一定整唔到
ReplyDelete[版主回覆03/01/2011 22:08:00]多謝呀! 如果手指餅唧得靚啲就靚嘞。
祝細佬生日快樂! 個蛋糕好完美噃!
ReplyDelete[版主回覆03/01/2011 22:09:00]多謝呀! 過獎啦，啲手指餅唔靚呀!
Happy Birthday to Nathaniel 祝細佬快高長大,身體健康!Ann,你整既cake又睇得又食得呀,真好靚呀! 比我都開心呀,何況小朋友呢..
ReplyDelete[版主回覆03/01/2011 22:10:00]多謝Mei Mei姨姨！佢哋最在乎味道，個樣係其次，所以要整佢哋鐘意嘅士多啤梨味。
個蛋糕好靚呀! 細佬生日快樂!
ReplyDelete[版主回覆03/01/2011 22:11:00]多謝姨姨。
好靚呀!
ReplyDelete[版主回覆03/01/2011 22:12:00]多謝你! 客氣客氣。
Handsome細佬, 生日快樂 !
ReplyDelete[版主回覆03/01/2011 22:12:00]Thank you Aunty Sophie!
個蛋糕好靚呀！ 祝細佬生日快樂！ 快高長大！
ReplyDelete[版主回覆03/01/2011 22:12:00]多謝姨姨呀!
我都整過一次Charlotte Aux Fraises...好花時間下!!!你果個仲要有layer,真係心機之作!!其實你個lady finger做得好好,真係好離吱架...
ReplyDelete[版主回覆03/01/2011 22:14:00]呢個都算快手啦，下篇嗰個就真係勁花心機。唧手指餅係要有耐性嘅，我唧頭幾條都仲慢慢唧，跟住就求求其其亂唧啦。
係喎...同細佬仔講多次生日快樂先~~
ReplyDelete[版主回覆03/01/2011 22:15:00]多謝Apelles姨姨!
細佬同真人一樣..好可愛好靚仔..因為似你..哈哈哈..
ReplyDelete[版主回覆03/02/2011 17:35:00]細佬係好可愛架, 不過都有時好曳曳. 咁佢又係似我多啲既
生日快樂....
ReplyDelete[版主回覆03/02/2011 17:35:00]多謝!