噚晚又要去Woodlands Causeway Point 為新屋搜羅物品, 為了慰勞自己和令體重逹可以捐血既標準, 決定食餐heavy啲既, 去翡翠食火鍋自助餐.
湯底選了豬骨湯和皮蛋莞茜湯. 豬骨湯夠濃, 好好味, 除了豬骨還有蜀米, 白和紅蘿蔔. 皮蛋莞茜湯只有少少莞茜碎, 根本飲唔到莞茜味, 似清湯多啲.
相片用手機影.
火煱料選擇都ok, 只係肉類選擇較少, 只有雞肉片, 豬腩片, 牛肉和羊肉片, 亦沒有海鮮, 但每人有三隻蝦(冇得再叫既). 以S$18.90呢個價, 包飲品, 又有冷氣, 都算抵.
最好味就係唔可以再添既蝦, 食得出好新鮮. 鮮蝦雲吞都好味, 同平時食雲吞麵既一樣. 鯇魚片好滑好甜, 但係咪真係鯇魚呢, 我以為呢邊冇既? 好耐冇食牛柏葉, 都幾爽脆. 仲食咗好多好多, 飽到上心口. 記得唔好叫羊肉片, 韌到"趙"唔郁.
但偏偏半夜胃痛痛醒, 今日掛住兩個熊貓眼返工, 好攰呀.
次次在星球吃火窝就好想念香港的稻香. 吃火窝, 香港正得多.
ReplyDelete[版主回覆07/19/2010 11:23:00]其實我响香港從來冇响外面食過火煱架, 唔知呢邊同香港既有乜分別.
做你家人真係好啦...
ReplyDelete[版主回覆07/19/2010 11:25:00]吓? 我响外面打邊爐咋噃, 唔係自己屋企食架, 自己屋企就冇咁多選擇lu.
令體重逹可以捐血既標準 ....真係好瘦，要食多多! Take care!
ReplyDelete[版主回覆07/19/2010 11:27:00]哈哈, 其實只差好少啫, 著重些少既衣服就己經逹標啦. 最怕食多啲, 啲重量會去咗啲唔應該去既地方呢.
你一定係size 0!!!
ReplyDelete[版主回覆07/19/2010 11:53:00]size 0 即係幾大呀? 我著細碼, H&M 32 or 34. 始終生完兩個, 某啲部位瘦極有限.
32 & 34 好 fit!
ReplyDelete我都好掛住hot pod...SG始終唔太好食,我上次食完都胃痛,朋友話,
ReplyDelete可能我地一下子食太多,咁下次再食時唔好食咁full啦..
[版主回覆07/19/2010 17:51:00]我懷疑我胃痛可能係因為啲羊肉, 真係好鬼韌. 仲有呢排好忙, 有時要買嘢搞裝修都遲食飯, 所以胃痛囉.
你地既湯底咁清既...我次次都要一邊麻辣架...有次試過一邊麻辣, 一邊tom yam添~~hahaaa~~我諗星加坡無野啱我,除左食辣同天氣夠熱之外~~
ReplyDelete[版主回覆07/21/2010 11:10:00]我哋口味比較清淡, 我都鐘意食辣, 但有胃痛唔食得太辣. 我老公係呢邊人但係佢係唔食辣既, 所以我哋食火煱一定唔會揀辣既湯底, 佢連tom yam都唔飲, 我平時煮tom yam都要煮好後分兩煲先一煲落辣椒, 另一煲唔辣, 好鬼煩架.
我都係鐘意天氣熱, 最怕冬天.
上次在Koka, Ngee Ann city度食中式火煱, 味精湯底, 食物又少選擇, 甚差呢! 翡翠應該好些罷~~
ReplyDelete[版主回覆07/22/2010 17:25:00]Koka 我好耐以前都食過一次, 覺得ok喎, 或者家陣差咗啦.
I have try the crystal Jade a few times. It is quite value for money. Of course cannot compare with HK lor.
ReplyDelete[版主回覆08/17/2010 16:11:00]Everyone is saying the steamboat in HK is much better but I've never tried it there before.