Tiffin Room @ Raffles Hotel

星期三晚要應酬幾個由法國來的客人, 老闆親自選了Raffles Hotel裏的Tiffin Room 食晚餐.

Raffles Hotel 是一間好高級的酒店, 最平的套房都要成千蚊坡紙一晚.

Tiffin Room 是在酒店大堂旁的, 一定要先入大堂才可入內.  訂位時, 酒店講明一定要七時才能進入, 早到要在外面等, 夠晒大牌.  大堂外有大大個牌寫住"Residents Only", 我哋要同守門的講我哋訂咗位晚飯先俾我哋入去.

Tiffin Room 夜晚只供應 North Indian Cuisine, 可以選buffet 或 a-la-carte.  我們選了buffet.  餐廳好靚, 裝潢好有殖民地感覺.

打開drinks menu 一睇, 即時儍眼, 一杯果汁要S$20, 最平既可樂都要S$9一杯! 仲未講個buffet 盛惠每位S$65++.

總共有三個station, 呢個係cold appetizer.  全部都麻麻, 我每樣都攞好少好少.  選擇幾少吓, 但醬汁就有七種, 不過我一啲興趣都冇, 因為我好怕印度香料味. 

呢碗就係我攞既冷盆嘞, 好彩有rocket, baby spinach 之類既生菜.  上面黃色的是芒果醬, 一啲香料味都冇, 啱晒我.  下面仲有西蘭花蝦沙律, ,但蝦居然係雪蔵貨, 乜蝦味都冇.

呢度係熱盆區, hot appetizer 有red snapper (一種魚, 不知道中文叫咩) 和 細細粒的potato and corn cake.  啲魚好乾, potato and corn cake 就冇味和勁煙韌, 兩樣都唔好食. 

大家唔好以為有盞大光燈照住既係carving station, 碟上面只係一啲叫poppadom 既嘢, 炸既一片片好似蝦片, 薯片咁.  前面又有一排醬汁, 我揀mango chutney.  個mango chutney係甜到好似果jam 咁呀!  三盆圓圓既係vegetarian dishes, 左上角lady finger, 味道Ok, 右上角係cottage cheese in tomato curry, 聽到個名都反胃, 前面嗰盆唔記得係乜, 我冇食.

還有綠色的雞咖哩和紅色的羊肉咖哩, 應該煮了很長時間, 啲肉好似罐頭咁, 基本上係食唔出係咩肉既.  白雪雪既係白飯, 黃色既係香料雞肉炒飯, 冚住蓋的係spinach soup.  白飯係高級印度basmati rice, 好好味, 但65蚊嚟食白飯?!  香料雞肉炒飯好普通, 個湯係好嚇人的鮮綠色, 但好似飲水咁, 完全冇味.

最後甜品區, 咁高級酒店既甜品應該唔食得都睇得啩, 可惜呢度既係唔睇得同唔食得既.  啲甜品完全冇presentation可言, 全部求其用個大碗裝.  而且食品都係好普通既印度甜品, 其中有一款係平時啲印度同事返鄉下都會帶回來做手信既糕, 所以一啲特色都冇.  我一樣都冇食到, 見到都飽晒.  好在有生果, 但又係平價貨色, 只有西瓜, 密瓜, 梨, 提子和大樹菠蘿. 

呢個餅 (Naan)  係成晚最好食架喇, 初嚟時趁熱食, 好正, 好似蔥油餅, 但凍咗就會覺好油吓.  我都係靠佢嚟塞飽個肚咋.

呢餐係食過最唔抵既自助餐, 加飲料每人要幾乎S$100, 外面食大魚大肉都得喇.  去嗰度真係食酒店既名氣, 啲服務又麻麻, 食完只可以用兩個字嚟形容 - "把鬼"!