有啲人心情壞時會去shopping therapy, 我就選擇cooking therapy. 响廚房裏面整吓呢樣整吓嗰樣, 諗吓應該點整, 時間就會過得好快.
星期六晚有客人來我家晚飯, 讓我錯過了Mommy Dearest既麵包研習班. 噚日決定自己在家裏整, 順便整定啲存貨俾屋企人响我公幹時食.
見愛美麗post士多啤梨乳酪麵包好吸引, 囝囝又鐘意食strawberry yogurt, 就開爐整呢樣.
太耐冇整麵包, 每個步驟都要諗吓, 好彩最尾都記得.
糊裡糊塗地忘了用手搓要減水份, 照足愛美麗post的份量, 好濕的一pat. 搓呀搓都係痴到成手都係, 再咁落去啲酵母開始發酵就前功盡廢. 無計可施下, 拎部老爺打蛋器, 放上dough hooks, 姑且試吓. 部老爺機出盡九牛二虎之力, 個麵團終於似啲樣, 只出到少少薄膜, 都要停嘞, 因為部機已經開聲投訴, 機身都好熱, 再攪落去驚佢會燒.
邊搓邊聞到strawberry yogurt味道, 入爐後就更香.
出爐喇, 都幾靚仔既.
囝囝聽到係strawberry yogurt整既, 即刻拎個嚟食, 仲話好食哩, 呵呵呵! 佢今日返學校就帶呢個包做茶點.
出爐食時可以用香甜軟糯來形容, 今朝食都仲好軟熟.
No comments:
Post a Comment