福建炒飯

小時候和舅母去飲茶, 我每次都要求乾炒牛河, 但舅母話太cheap, 叫福建炒飯好了.

好久沒吃過這款飯, 因為在新加坡的酒樓好像都沒賣.

有天和同事閒聊時, 提起福建炒飯, 突然很懷念, 趁星期日煮來滿足一下.

煮了一大盆, 材料有瑤柱, 帶子, 蝦, 雞丁, 冬菇和芥蘭芯, 雞蛋炒飯底.

兩個囝囝都食得很開胃, 大仔沒多說話, 只豎起大拇指。 細佬就用快平常幾倍速度來食, 見到daddy添飯時, 還很緊張地示意他也要添, 怕daddy把全部食晒, 好好笑.

最後一次食這飯是至少二十年前, 所以不太記得應該是什麼味道了. 以下純粹是我個人憑記憶加想像出來的做法. 

1.  先浸軟瑤柱, 冬菇, 煮飯時順便蒸瑤柱.  瑤柱撕成絲, 其餘材料切粒.

2.  雞肉和蝦仁以調味料和栗粉醃片刻. 

3.  先預備雞蛋炒飯, 用較深的碟盛起. 

4.  燒熱油, 爆香薑蓉蒜蓉, 下雞肉, 炒至半熟, 加入帶子和蝦, 贊酒, 炒至八成熟, 盛起備用.  

5.  芥蘭用油, 鹽和少許糖, 酒, 炒熟, 加入所有材料, 倒入瑤柱水, 冬菇水和適量清水(以能蓋過材料面為準), 水滾後續煮片刻, 以魚露調味, 用生粉水勾芡, 淋在炒飯面即成.

前兩日睇jhouse篇荷塘豆腐先知原來福建炒飯汁要用蠔油.    我只用魚露, 好彩瑤柱和冬菇己經好鮮味.