她很高興, 說這是她來了新加坡年幾以來第一次到本地家庭作客.
之前一晚我瞓得唔好, 所以好攰, 都冇乜心機去煮呢餐. 好彩姐姐好帮得手, 洗洗切切全部事先搞掂.
自製燒肉, 今次失敗咗. 啲肉好味, 但皮好咸又唔脆. 以前整都係先用水烚, 醃, 風乾, 用粗鹽舖面焗, 最後刮走啲鹽繼續焗, 次次都成功. 今次諗住懶, 照T&P既方法, 唔駛出水, 點知就出事. 以後要請人食飯時, 千萬唔可以試新做法!
藥材醉蝦. 第一次整, 又揾個學生嚟做白老鼠添.
响葯材舖買現成火煱葯材料, 煮半個鐘, 調味, 加酒, 加蝦, 攪掂. 特地買大大隻蝦來煮, 扮酒樓貨色.
帶子炒蘆筍. 朝早响街市見到勁粗的蘆筍, 即買, 非常清甜, 買時菜販講明唔係泰國貨, 叫我放心買.
最後蠔油生菜, 姐姐整既.
兩個囝囝同人鬼咁friend, 要坐喺佢兩邊.
飯後食上次既Ben & Jerry 雪糕蛋糕, 食得最開心既係兩個囝囝, 坐定定自己"畢".
呢餐真係整得好求其, 不過個學生已經好開心.
飯後送佢返宿舍, 順便做人肉速遞將下晝整的scone送去給一個好朋友試, 朋友話好食喎, 聽到好開心.
No comments:
Post a Comment