Happy birthday to me!

今天早上收到第一個電話, 是奶奶打來說Happy Birthday.  很感恩有個錫我的奶奶, 每年我的生日她都會記得的.

今年很懶, 也沒有時間, 只做了一個簡單的檸檬芝士凍餅.

連裝飾也極求其, 家裏有什麽就放什麽.

學生們開學前的聚餐

一直有看這blog的朋友, 應該記得我一家參加了本地一所大學的host family program.

作為host family, 我們負責接待外國留學生, 讓他們在陌生地方讀書可以有本地家庭作照應, 也能夠更了解本地文化, 更容易融入社會. 由於是non-residential program, 學生們是不會住在我家的, 只是定期約見面, 關心他們的近況.

已經參加了三年, 雖然這program 只是維期一年 (即host family 只需照顧那年被分配的學生一年), 不過通常都會繼續保持聯絡的.  所以我們已經有三個學生了, 三個都是從中國來的女生.  今年第四年, 終於有個從北京來的小男生, 還沒機會面, 不過很期待.

八月尾趁學生們還沒開學, 約齊她們一齊吃頓晚餐來聚一聚.

我們去了East Coast的Jumbo Seafood, 星期六晚上座無虚席, 不過廚房煮得很快, 一下子就上菜了.

酥炸生蠔

噚日嗰單嘢, 我越諗越氣頂.  雖然我知唔應該含怒到日落, 但呢啖氣真係噚晚下完, 今日諗返起又上番.

因為咁, 今日都冇咩心情做嘢, 尤其仍然要繼續做關於個合作項目既嘢.  雖然對方態度差, 又唔願俾錢, 但答應得既我都會盡力去做到最好, 我唔會學對方咁唔專業既, 只不過邊做邊會充斥着負面情緒.

廢話講完, 今日要寫酥炸生蠔, 其實係酥炸蠔仔, 因為啲蠔好細.  我今次只係實驗性質, 隨便在超市買包急凍蠔仔嚟玩下.

某一上youtube揾嘢時, 無意中揾到個酥炸生蠔的video.  好簡單, 於是抄低來試試.

最重要其實係個粉漿, 點樣先可以做到酥脆呢? 原來要用幾樣粉撈埋, 照着做炸出來真的非常酥脆, 就算凍咗都仲脆, 完全冇變腍.  下次要買大大隻的蠔來炸, 會更好味.

楓糖核桃無花果包, 焦糖核桃 (附做法)

今日呢篇要用廣東話寫, 因為要鬧人.

今日好嬲, 唔明點解有啲人對住外面公司啲人咁怕事, 成隻鵪鶉咁, 乜都話yes, 一啲立場都無.  俾人蝦到上頭, 居然不停妥協, 做人有啲底線可以嗎?

我答應放一半時間喺個project, 當然公司就應該charge人慣常收費啦, 嗰個外面人居然話要我填 time sheet, 把幾火, 家陣當我係temp. clerk 吖? 我話放50%就50%啦, 唔信既唔好做吖.  我即時出聲話唔駛, 直接平時我做開外面project 收幾錢就幾錢, 少個仙都唔得!

唔好意思, 你哋可能唔知我講乜, 唔緊要, 當我發噏風, 志在發泄吓啫.  若然你哋識得我公司啲人, 請唔好講番出嚟喎.

星期一留喺屋企一日, 當然唔止煮雞粥炒麵啦, 仲整咗包包.  雪櫃上下格都逼爆, 所以今次只可以做少量, 六個楓糖核桃無花果包. 

本來個食譜係要掃蛋汁喺面, 但我唔鐘意有時掃咗蛋汁啲包表面會痴立立, 所以改成撒粉.  原本只放核桃, 但發現雪櫃有包放了被遺忘了的無花果, 只剩下兩粒, 就加埋落去.   呢款包好好味, 有楓糖同蜜糖, 微甜但有楓糖香, 核桃又香又脆, 感覺幾健康.

雞粥, 炒烏冬

星期日晚帶了哥哥去Esplanade聽Vienna Boys' Choir Concert. 台上沒有特別佈置, 就只有一架鋼琴, 一個指揮和25個小男孩.  但那些小男孩真的唱得很好聽, 閉上眼去聽, 仿彿天使的歌聲.  哥哥上年也和我去聽, 很喜歡, 所以今年再去.  細佬也嚷着要一齊去, 但不是我偏心不帶他, 只是他不到五歲不能入場, 或許明年吧.

你們現在聽到的就是Vienna Boys' Choir 唱的Canon in D.

聽完Concert 回到家挺晚, 很晚才睡, 所以昨天偷懶一天請假在家休息, 也順便陪正在放term break的囝囝們(這邊是一月開學的).

上個星期看雀后煮了雞粥配炒麵, 讓我很懷念以前爸爸煮的.  所以早上就去超市買一隻雞來煮, 午餐就吃雞粥和炒烏冬.

起了雞胸肉來做炒烏冬, 雞翼和雞脾用來煮雞粥, 剩下的雞殼留來以後煲湯, 一雞多食.

雞粥很鮮味, 雞肉仍很嫩滑.  只是我煮東西從來都是即興, 所以雞肉只醃了一個小時, 不夠入味.  一大鍋粥午餐吃不完, 留到晚上翻熱, 發現原來晚上的粥更好吃, 因為雞的味道都滲到粥裏, 但雞肉依然很嫩.

家常便飯: 雪菜肉絲, 蝦仁豆腐

前兩日公司年度體檢, 今年轉用了另一個機構來辦, 感覺好好多. 

以前次次都好亂, 要等好耐.  今次好有系統, 有效率, 工作人員都好似較專業.

不知道是不是因為我血壓較低(仍在正常水平), 一向以來抽血都很難.  每次弄很久, 都抽不夠血.  以前去捐血, 兩個鐘頭, 包血都快凝固仍然只得半包.  可是今次那住女護士很厲害, 針一插入, 一下子就裝滿三支.  抽完血後的傷口也不痛不腫哩, 開心死我啦.

上星期六晚的晚餐, 不想動腦筋, 煮簡簡單單的家常便飯就好了.

雪菜肉絲, 用自家醃的雪菜炒的, 好好味的. 

馬來西亞短宣行

從馬來西亞回來後就很想出這post, 但不知道從何入手, 就一真拖了幾乎三個星期.

雖然馬來西亞就在新加坡旁邊, 但我很少很少去, 只去過吉隆坡和檳城, 都是大城市.  這次去一個在柔佛州的一個小鎮, 才發現原來是那麽的不一樣, 很鄉土的.

我們八月九日坐朝早七點巴士出發, 有點塞車, 原本兩個半小時的車程花了三個半小時才到. 

這就是那裏的巴士站了, 很舊很舊的, 不過看來已經是有翻新過(因為旁邊的建築更舊).  巴士相對較新, 因為都是從大城市開來的嘛.