兩姊妹首爾行Day4上(租韓服, 景福宫, 明洞)

2016.11.17

來到首爾的第四日, 今次旅程真的好幸運, 除了到埗那天落雨外, 每日都陽光普照.

原本計劃呢朝去麻浦農水產市場食海鮮, 不過細妹話唔想食咁多, 咁就無謂去啦.  於是就改去第一日因為落雨而skip咗的景福宫.

出發前一直都想去租韓服着, 但又擔心天氣凍着唔到.  到首爾後發覺其實都唔太凍, 所以最後都去了租韓服着.  好開心, 完成了心願!

穿着韓服去任何一間首爾內的宫殿都可以免費入場, 省了3千won.

我的那件韓服, 真係好靚呀!  韓服好新, 做工非常仔細的. 租韓服時阿珠媽還幫我綁頭髪.

細妹的韓服

我們租了兩個小時, 在景福宫來不停影相, 超開心呢! 

當日不知道是什麽特別日子, 好多本地學生都去租韓服入景福宫.  我們租韓服的店內擠滿了學生妹, 宫內又見到老師帶住一群穿着韓服的小朋友.

這張真的好像回到朝鮮王朝

裙上繡了孔雀羽毛圖案, 很別緻.

這刻幻想自己係是古代朝鮮美女.

順便也去旁邊的國立民俗博物館影相, 不過時間緊逼, 沒有入內參觀.  去首爾四次都未入過去, 下次我一定一定要入去.

今次是第三次着韓服, 第一次在景福宫內免費借半個鐘(現在已經沒有了), 第二次在開會期間展覽廳內的旅客服務攤位免費借的.  免費的韓服都是較簡單普通款, 亦都好舊.

今次去了Youtuber金鈴介紹的雲畫的韓服(http://gureumihanbok.modoo.at/)租的.  這間雲畫韓服剛開業不久, 所以所有韓服都非常新, 款式都勁靚, 選擇亦算多. 基本款式租金兩個鐘1萬won, 我租的是較靚的premium款兩個鐘2萬won. 租金已包括綁頭髪, 借頭飾和手袋.  韓服入面要着條can can 裙撐起會好睇啲, can can 裙另外加3千won.  當日我租韓服總共用了2萬3千won, 兩個鐘頭, 我覺得物有所值.

這間韓服店內的老板和阿珠媽都只能說簡單英文, 但非常友善.  當日店內擠滿人, 他們仍然非常耐心地幫忙着衫和整頭髪. 這店我大力推薦.  老板問我從那裏來, 我說香港, 他就好興奮地用他的手機開了金鈴的那個Youtube video我睇, 問我是否看了那個video所以來幫襯.

由景福宫站四號出口行幾分鐘便能找到這店(見下圖), 就在景福宫側邊入口對面的小巷內.  店在二樓, 要注意樓下的指示.  <雲畫的韓服>我想只是金鈴自己譯的, 店名沒有中文, 韓文구르미한복.  它的網址內亦有交通指示, 不過全是韓文.

店名: 구르미한복

地址:  서울특별시 종로구 통의동 35-84  (首爾特別市 鐘路區 通義洞 35-84)

營業時間: 9.30am - 7pm

還了韓服變身回現代人後, 開始肚餓.  今日真的不能再食太多, 去明洞吃明洞餃子吧. 明洞餃子以前介紹過, 不多說了, 明洞內有兩間, 去到明洞一定會找得到的.

我們叫了一碗餃子麵, 一份蒸餃.  蒸餃第一次食, 味道和鼎泰豐的菜肉雲吞幾相似.  這裏的泡菜勁辣, 是麻辣的那種, 我只能一件起兩件止, 但細妹居然食晒仲要再添, 勁!

食完午餐在明洞附近閒逛, 見到這間Milky Bee, 當然唔可以錯過啦.

這款當日有特價, 3800won. 等拎雪糕時在店前看着店員整, 有啲似用忌廉唧玫瑰花咁, 唔知自己整唔整到呢?  朵花好靚, 都幾好味的.