兩姊妹首爾行Day2下 (奉恩寺, Goto Mall, Loco Loco 蒸貝)

食完馬場洞燒韓牛已經三點半, 坐地鐡去下個景點 - 奉恩寺(Bongeunsa, 봉은사).

奉恩寺在COEX的對面, 以前要坐地鐡去2號線三成站(Samseong)再穿過成個COEX Mall先去到.  依家地鐡開了個新的9號線奉恩寺站(Bongeunsa), 出口步行幾分鐘就到, 方便好多.

去到奉恩寺時已經四點半, 天色開始暗.

今次第一次來奉恩寺, 四年前在COEX開會時只隔着玻璃離遠睇, 無真正入內參觀. 

奉恩寺建於新羅時期的公元749 年, 有超過1200年歷史了.

大門內的兩旁

環境清幽, 只見到幾個日本遊客和當地人來參拜. 

似乎他們的"香油錢"是以奉獻白米來代替的, 入口旁有個櫃位擺着一包包的米供購買. 不知道這個大廳是什麽, 但見到參拜的人都會來到這壇前.

奉恩寺最出名的就是這尊大佛, 前面大個淺水池.

可惜入夜了, 太暗好多靚景都影唔到.  這個古老的小亭子都好靚.

近出口處還有一尊小佛像

行完奉恩寺, 我哋決定穿過COEX Mall 去坐地鐡, 可以順便逛逛COEX Mall.  和四年前比, COEX真的變了很多, 成個商場翻新過, 靚得多.  不過一樣都係無嘢啱我買, 得個行字.

跟住下一站就是高速巴士轉換站的GOTO Mall地下商場, 坐地鐡至高速巴士轉換站, 8-1和8-2出口即可到達.

我其實都係陪細妹嚟買嘢, 冬天衫我買都無用.  所以我只買了兩件5000won的長裇T, 一個小手袋, 幾對耳環和兩個手機套.  我細妹都買得少, 只比我多買了件大褸.  GOTO Mall真的好好買, 有時間有心機可以慢慢睇, 會揾到平靚正的.  藍色的小手袋1萬won, 但一模一樣的在梨大賣2萬won.

臨近聖誕, 好多聖誕裝飾賣.

放血後又係時候揾嘢食了, 呢晚我晚我哋去位於新沙站的Loco Loco蒸貝(로꼬로꼬조개찜).  Loco Loco是一間連鎖餐廳, 新沙這間是它的總店.

坐地鐡至新沙站(Sinsa)四號出口直行第二個巷口轉右再轉左, Loco Loco就在右手邊.

街上燈光幾暗, 雖然門口有英文名, 但夜晚好難睇到, 所以要認住呢個韓文招牌, 門口放了水族箱養着新鮮貝類.

我哋去到時九點幾了, 即刻有位坐. 一坐低點完菜, 侍應就送上每人一碗粥, 暖下胃都幾好.

跟住有一塊煎餅, 只有蔥的但都好好味. (居然手震)

侍應送上蒸貝時我們都呆了, 這個是招牌Loco Loco蒸貝, 已經是最細份量了. 一大堆貝殼類, 大大隻八爪魚, 居然還有一隻雞和兩隻蛋, 兩個人點可能食得晒呀?

侍應先幫我哋將八爪魚和大部份的貝類煎成小塊放在爐邊, 以免煮得過熟. 長型鍋內仍留着蠔和蜆.  有好多種貝類, 但我唔識分, 只知道有鮑魚, 帶子, 扇貝, 蜆同蠔.  好鮮味,  中間的是春菊, 不過因為湯裏面加了好多辣椒, 所以春菊吸了湯汁, 好辣.

生蠔好美味.

細妹未開始食就已經舉定白旗, 食咗好少好少就嗌飽, 我唯有好努力咁食, 最尾侍應過嚟將隻春雞剪開, 我就係咁易食一細舊就算, 雞蛋我咬了一啖, 出奇地香.

可惜胃容量有限, 湯汁除咗太辣外其實好鮮味, 我見其他枱食到最尾都會叫手工麵來加入湯裏煮. 應該會好好味.

呢餐真係好抵食, 埋單43,000won (~HK$280),  又好味, 絶對值得試, 但千萬唔好好似我咁同個食量細的人來.