美食推介 - Ilis 西餐廳

十一月和妹妹去首爾後在香港留咗幾日才回新. 容許我先跳過首爾遊記, 先出這篇.

今次想推介位於尖沙咀山林道的一間叫Ilis 的西餐廳.

Ilis

地址: Shop A1-A2, G/F, 13-15 Hillwood Road, Tsim Sha Tsui

         尖沙咀山林道13-15號地下 A1-A2號舖

電話: 2341 5628

Facebook專頁

有睇開我blog的朋友都可能會記得我細佬是蛋糕甜品師傅, 做了廿幾年的蛋糕甜品, 在原來公司已經晉升至幾senior 的師傅級別.  今年年中他決定辭去蛋糕師傅工作, 和兩個朋友一起出來創業開餐廳, 就是我想推介的Ilis 了.  原來我細佬除了整餅了得, 煮西餐都有一手, 是餐廳裏的主廚呢.

十一月前未試過, 不敢貿貿然介紹給你們.  今次返香港特別安排一家人去嗰度食晚飯慶祝大仔生日. 試食過後, 真心覺得好好味, 所以才敢响呢度理直氣壯推介.

蘑菇湯, 絶對真材實料, 沒加薯仔麵粉等, 用了大量蘑菇煮成的.

蒜香雞翼, 外脆內軟, 小朋友搶着吃.

水牛城雞翼buffalo wings, 微辣, 夠惹味.

炸蠔多士, 蠔炸外皮香脆, 蠔肉很鮮味.  當然炸蠔我食了, 多士留給Daddy.  一碟有兩份, 食了一份才記得影相. 

煙三文魚沙律, 沙律汁好好味.

輪到主菜了. 香草忌廉白酒煮蜆, 好味到大家搶住食, 小朋友連最後一滴汁都唔放過. 

看似平常凡的一碟carbonara 居然有驚喜, 意粉煮至al dente, 加埋隻温泉蛋和濃滑的汁, 怪不得姨生甥女一入餐廳就話一定要叫呢樣.  呢碟好味的最強大憑證就係從來唔食忌廉芝士的大仔都一啖接一啖去食.  

香草烤羊架, 鐘意食羊肉的媽咪至愛. 

慢煮黑椒肉眼扒, 入口即化, Daddy最鐘意呢味. 

松露野菌risotto, 煮得恰到好處, 米粒中間仍帶少許al dente, 濃濃的松露和野菌香, 好味!

還有松露烤春雞, sous vide(慢煮)再烤, 肉嫩多汁, 還未來得及影相已經給KO了. 

細佬還特地讓我們試了仍在試菜階段未正式放入menu 的豬肩扒配紅酒蘋果, 豬扒肉質好滑好滑, 配着紅酒汁和蘋果來食, 真的欲罷不能.  以後正式入menu 後, 一定不能錯過呀.

價錢真的非常非常抵, 去開尖沙咀的朋友可以入去試試. 

聖誕和除夕還有特別五道菜的套餐, 最貴的龍蝦帶子餐也不過$368, 抵食到無朋友啦.  可惜我唔喺香港, 無緣食到.  望到細佬分享的相, 已經口水直流了.