Zurich 另一樣多的, 就是教堂. 小小的市中心, 己經有三間出名的, 還有其餘大大小小沒那麽有名的. 總之, 好似香港有7-11, Zurich就係梗有一間教堂係左緊, 但就唔係半夜三更都可幫襯.這裏的教堂每日都會敲鐘無數次, 似乎每十五分鐘就響一次, 而每個鐘頭的鐘聲又會長些.不只日間會有鐘聲, 半夜都會照響, 幸好我每晚都熟睡, 沒被吵醒.每間教堂都會到時到候敲鐘, 但瑞士人的時間非常準的, 全部教堂的鐘都較準時間同時間出聲, 否則, 後果不堪設想.行Altstadt經過的第一間教堂叫Grossmünter, 聽名就知夠大, 要行到河對面才能影到.

由後面影

裏面都好靚, 可惜不准影相. 當時有個alto同一個mini orchestra在練習, 我坐低欣賞了一陣, 原來第二日有個Messiah concert, 我有幸免費聽到一小段.

大門幾靚, 前門右邊外牆有個雕像, 查一下, 他是與馬丁路德齊名的reformer.

另一間和Grossmünter鬥老的叫Fraumünter, 有個藍色尖頂作標記.

夜晚從河的對岸影更美.

裏面又是不准影相, 還好旁邊漂亮的小庭園可以影.

第三間教堂叫St Peterskirche, 外觀比其餘兩間遜色, 但它的鐘可是全歐洲最大的哩, 離遠就可以睇到時間.

別小看平庸的外表, 裏面很美, 裝飾很清雅. 這是唯一一間不禁止影相的.

有人在彈琴, 我當然要坐下細心欣賞.

彈琴的就是左邊這位, 那天晚上在這教堂內有音樂會, 最平的票都要20瑞士法郎, 我免費聽了一段, 賺突!

最後繞回出名的購物街Bahnhofstrasse購物去, 但其實只買了很少很少, 因為太太太貴! 我知我說了很多次, 但都要再講, 瑞士的物價真的貴得咋舌. 一小粒1.5cm 正方體朱古力算起來夠我在新加坡的food court食一碟海南雞飯.最後入火車站兜一圈, 火車站底層亦有店鋪可購物的, 但我的目的並非購物, 而是要買腸仔食.

很懷念十年前在那裏食的腸仔, 當時外面下着雪, 手裏拿着熱滕滕的香腸, 極滋味.可惜, 走了一圈亦找不到和以前相似的檔口. 以前的有各式各樣腸仔, 但今次找到的卻只有幾款, 但能夠吃得到也是心滿意足.奈何火車站人流複雜, 我不敢一個人站在店內附設的枱邊食, 只好邊行邊食, 沒法影低.火車站裏亦有一間叫Confiserie Sprüngli 的蛋糕店, 這是它最出名的出品, 叫Luxemburgerli, 是小型的馬卡龍, 大概只有1cm大小. 有很多不同味道, 但以重量賣的. 當時買的人排了長龍, 我懶得排隊, 而且要以重量計, 我不可能只買一兩個來試吧. 可是現在想起是有點後悔, 既然來了就真的該試試.

Altstadt之行就以火車站作終點, 四個小時的步行, 是時候回酒店休息了.酒店附近又是另一間教堂, 叫Predigerkirche. 這很奇怪, 雖然是教堂, 但有一部份是city library.

回酒店途中, 經過一間賣腸仔的小店, 忍不住又買了. 這次買了currywurst, 即腸仔淋上咖喱汁, 盛惠7.2瑞士法郎, 差不多港幣七十元, 相信是最貴的街邊小食. 在Düsseldorf食過的最好味, 這裏的只能說聊勝於無. 因靠近酒店, 捧着腸仔和麵包, 快步回酒店房內給腸仔影相留念.這裏的腸仔並非配我們見慣的長型麵包, 而是配圓型的硬皮麵包. 咬一口腸仔, 再咬一口麵包.

17/9 早上11.45飛機返新, 先食個早餐. 前幾日朝早要趕時間去開會, 匆匆的吃早餐, 沒閒情影相. 這天可以慢慢的吃了.食早餐的地方其實是一間酒吧, 佈置很簡潔, 坐得舒服.

這就是我的早餐了, 典型的Continental breakfast, 牛角酥夠新鮮酥脆, 麵包亦是外脆內軟, 咖啡香濃提神.

早餐是自助式的, 選擇不多, 但質素尚可 (除了那粟米片外).

吃過早餐, 稍作整理就出發去機場. 由酒店步行至火車站大概十分鐘, 再到自動售票機買火車票, CHF6.40, 才十分鐘車程便到達機場, 很方便.Zurich airport, 和其他地方新起的機場沒兩樣.

這裏有點像London Heathrow T5.

Zurich 之旅就此結束, 多謝收看.
我屋企對面河間教堂.... 朝朝都嘈醒我, 都唔知住正係隔離嗰d點住?
ReplyDelete[版主回覆09/22/2011 14:40:31]或者住耐咗會慣啦, 其實我呢間酒店後面都有間教堂, 但我瞓到乜都聽唔到. :p
多謝你分享就真..好舒服..好靚.
ReplyDelete[版主回覆09/22/2011 14:41:20]多謝欣賞. 嗰度風景好靚, 如果能去countryside睇, 應該更靚.
個grand piano應該最少有七尺長。
ReplyDelete[版主回覆09/22/2011 14:41:57]我未見過咁大個琴呀, 個男仔彈得好好聽.
我上次去Zurich我估都有20年. 乜都唔記得lu.
ReplyDelete[版主回覆09/22/2011 14:42:23]20年梗唔記得啦, 我十年都唔多記得.
瑞士d嘢真係好貴呀~
ReplyDelete[版主回覆09/22/2011 14:43:20]貴到離譜! 都好既, 幫我慳錢, 平時出trip會買好多, 今次買得最少.
歐洲d 嘢係好貴~~~見到d 馬卡龍~~~我唸一定好鬼甜
ReplyDelete[版主回覆09/26/2011 17:47:52]歐洲有啲國家貴得嚟啲嘢會覺得值, 好似去london我會買嘢囉, 但瑞士啲嘢係普普通通唔值.
wow.... 好羨慕
ReplyDelete[版主回覆09/26/2011 17:46:25]去公幹咋, 你去英法我仲羡慕呀.
係呀, D嘢真的不便宜. 我老公上次去做嘢都係只是買咗個散银包比我, 另外買咗個细的布公仔比我個女, 朱古力送给同事和给奶奶咋. 他説其他嘢真的唔低買.
ReplyDelete[版主回覆09/29/2011 22:25:11]我都只係買咗兩盒朱古力咋,囝囝哋都冇禮物呀,啲嘢貴得太過份。