中秋節2011

囝囝們星期一要返學, Daddy上星期五就先帶兩個囝囝返新, 而我就因為星期日下晝要到教會參加好友的婚禮, 我自己一個人留在香港, 搭最後一班機返新.  飛到新加坡已經十一點半, 在機上已經咳得緊要, 飛機降落時我因為鼻塞, 雙耳難減壓痛得厲害.  Daddy見我成個痛猫樣, 叫我星期一唔好番工.

星期一, 即中秋節, 朝早起身後就去睇醫生, 好彩聽Daddy話, 原來我發燒, 嗰晚仲要飛去Zurich, 醫生好合作地給了我六樣藥.  下篇先講Zurich, 先講中秋節.

最開心兩程飛機之間的廿四小時剛好是中秋節, 可以陪囝囝們去賞月.  不過烏雲密佈, 月亮躲起來了.  從香港買來兩個Angry Bird燈籠給囝囝哋.




舊屋樓下每年中秋節都會很熱鬧, 會有好多小朋友玩燈籠, 但新居樓下通常都好靜, 嗰晚成個fitness area 給我們玩晒.



賞完月就食月餅, 從香港帶回來半島的奶黃月, 好好味.






跟住就提早一日切我的生日蛋糕, 同事以為我當日會番工, 特地買了生日蛋糕給我慶祝, 但我要請假, 他就好有心地把蛋糕送上門給我, 非常感動哩!

Prima Deli的蛋糕, 我病到無胃口, 但生日點都要食少少.  雖然我食藥食到無咩味覺, 但我仍然可以講原來我整的蛋糕可以好食過外面買的.  不過, 蛋糕味道是其次, 朋友心意才最重要.

囝囝們非常陶醉的唱生日歌, 唱完還順便幫我吹埋臘蠋添.



瑞士時間八點半了, 好攰呀, 要休息嘞, 聽日要早起身去開會, 早抖.

差啲忘記, 補祝大家中秋節快樂, 人月兩團圓!