Happy birthday to me!

今年生日要自己一個人過, 十二號夜晚十一點幾就入閘, 生日時別人對我說的頭一句話是臨上機時地勤人員講 "Passport check...thanks."

九月十三日淩晨一點廿分起飛去瑞士Zurich, 好彩班機好空, 我自己坐兩個位, 可以好好咁瞓. 

生日餐是在飛機上食的宵夜, 星航對我太好了, 居然有扒鋸, 仲要係我鐘意的medium rare.

牛扒上淋了蘑姑忌廉汁, 配菜有很多很甜的紅蘿蔔和洋蔥, 右邊的是忌廉焗薯, 好味.

在機上斷斷續續的瞓了八, 九個鐘, 又拼命灌水, 到落機時已經覺得好好多, 少咳了, 喉嚨亦好了.  落機前的早餐又是一樣好味, 叉燒炒麵和蝦餃, 叉燒是半肥瘦的, 爽口又滑, 蝦餃皮有點糊, 但飛機餐來說, 已經算是超班了.

班機瑞士時間朝早八點到, 因時差關係, 上機時是我生日, 落機後仍然有一整日生日, 可惜要一個人過.

由機場的火車站坐火車到Zurich, 再步行玉酒店才九點半. 本來reception叫我下晝兩點先返嚟check-in, 因為未有房.  但等多一陣, reception好nice咁再check, 居然之前的住客己check-out, 連房都清潔好, 感謝主! 

這就是我住的酒店, Hotel Platzhirsch.

房間很明顯是剛翻新, 和在網上見到的相一模一樣, 在這裏的standard算是很spacious.



浴袍, 拖鞋, 夾萬, mini-bar和nespresso machine, 一應俱全.  Mini-bar裏的所有飲品都是complimentary的.

浴室很新乾淨, 牙刷都有提供, 三星級酒店罕有哩.

小小的衣帽間, 還備有雨傘, 很週到.

今日的午餐, 一個chorizo baguette加一支橙味汽水, 盛惠10.40瑞士法郎, 貴得離譜.  味道嘛, chorizo鹹鹹哋少少辣, 但包包好韌, 咬到牙骹軟.  食完晏後到處逛, 夜晚太攰, 不想再出去揾嘢食, 只食了我帶來的杯麵.

當然唔少得那六樣藥和維他命c, 還有大量的清水.  這些藥食完唔會想瞓, 但會手震, 我覺得我依家好似個老太婆咁手震震.  再食多日就可以食晒啲藥水, 希望唔再手震.

從我房望出去是一條熱鬧的小街, 有很多cafes和特色小店, 不過瑞士物價太驚人, 買不下手!