韓國大醬炆枝竹排骨

Daddy 出差後, 我日日要自己自掂兩隻馬騮, 好攰呀!

細佬還好, 哥哥就真的讓我很頭痛.

星期二朝早, 因為哥哥, 我牙未刷, 面未洗, 頭未梳就衝出門.

哥哥學校規定每星期二要打呔. 六點廿分我突然醒起是星期二, 即刻想提醒佢, 點知佢已經出門, 於是就叫姐姐將條呔拎去巴士站俾佢. 再打手機叫佢唔好上巴士住.  幾分鐘後, 佢就出現喺門口, 喊晒咁問姐姐喺邊.  懞查查的姐姐唔知係咪去錯第二個巴士站, 又無帶手機, 唯有叫佢落樓下, 等姐姐行返嚟.  我就嗱嗱臨入房拎銀包, 手機, 鎖匙, 叫細佬拎書包着鞋出門, 打算叫細佬自己在樓下等校車, 我就去巴士站揾姐姐, 再開車送哥哥返學(驚搭巴士會遲到). 好彩姐姐都醒目, 識得行返轉頭, 我落到樓下就見到佢, 即刻鬆一口氣.  開車送哥哥去學校, 回到家才梳洗換衫返工.

呢次係我平生第二次未刷牙, 未洗面, 未梳頭出門, 第一次都係因為哥哥, 佢歲幾時發好高燒, 半夜送入醫院.

Daddy改早咗機票, 星期日朝早就返到.  太開心啦.

見到EE用韓國大醬煮餸, 我又跟, 用來炆枝竹排骨, 好好味呢, 只用了大醬, 冰糖就好夠味.

新買的22cm 黑咪已經成為我的至愛, 太太太好用了, 大細剛好, 窩底弧度用來炒餸好就手, 煎嘢又唔痴底, cool mint顏色又靚, 教我如何不愛它呢?

做法: 先煎排骨, 然後原鑊(黑咪)加少少油爆香薑片和蔥頭, 加大醬, 灒油, 排骨回鑊, 兜勻, 加適量水和冰糖, 加蓋炆半個鐘, 再加浸軟枝竹繼續炆至排骨和枝竹都夠腍, 原煲上枱.

豬扒拌忌廉芥茉末汁

年尾聚餐剩下的食材都清得差不多了, 就只剩下一點點的sour cream 和whipping cream.

於是消滅廚餘的最後一擊就煮了pork chops with cream and coarse grain mustard sauce (煎豬扒配忌廉芥末汁.

註: 這是一月頭煮的, 現在才寫而己.  忌廉開盒了, 不能留這麽久.

這道菜我好像很久很久以前介紹過. 是我當年在英國時英國朋友教煮的, 應該用法式忌廉(crème fraîche)的, 但沒法式忌廉時也可以用淡忌廉混合酸忌廉來代替.  不過酸忌廉不能煮滾 (會分離結塊, curdle), 所以我會等到煮好時才加入.

這道菜雖然是忌廉汁, 但因為加了帶酸的 crème fraîche或sour cream, 吃起來不會感覺肥膩.

材料:　豬扒, 洋蔥, crème fraîche, French coarse grain mustard

做法:
1. 豬扒用刀背剁鬆, 用鹽和胡椒粉來稍醃.
2. 洋蔥切塊.
3. 燒熱鑊, 加油, 煎豬扒至兩面金黃色, 將豬扒推到一旁, 加入洋蔥炒三至四分鐘至軟身.
4. 加入忌廉(crème fraîche, 或淡忌廉), 和適量芥末醬.  怕汁太濃太膩的, 可稍微加一點滾水, 加鹽和鮮磨黑椒粒調味.
5. 轉慢火加蓋煮至豬扒熟, 如用酸忌廉, 可於此時加入.

註:
1. 酸忌廉其實亦可和淡忌廉一起加入, 但火要轉細,全程只能微滾(simmering), 我試過都OK的, 當然最保險就是關火才加入.
2. 用淡忌廉和酸忌廉來代替crème fraîche, 比例應該是1:1, 但煮這道菜就可以隨意, 酸點淡點可自己調較. 我這次是把所有雪櫃來的淡和酸忌廉都用完, 沒在意比例.

炒肉片, 蒸肉片

囝囝的期中考試時間表出來了, 想起就怕怕.  下個星期就考oral, 5月8日開始考其他科, 又要做陪讀媽媽了.

前個週末(還是大前個? 忘了)幫囝囝温中文, 我和他都趕到面青青, 還好努力沒白費, 囝囝拿到很好成績, 全班最高分.  温習時我堅持要他複習之前默書時默過的字句, 他當時極不願意, 還說Daddy幫他温時都不會這樣.  但我知道課文他全懂的, 只是很多字會讀不會寫, 所以要專攻他這個弱點.  成績出來後, 他才明白我的苦心.  說:"我的同學們的媽媽有些只叫他們做其他名校的舊測驗卷, 有的就只温習課文, 只有我一個複習默書時的字."   我叫他做的當然是有理由啦, 要知道這樣温習我自己也很累的哩.

忘了幾時煮的兩道肉片菜了, 整理相片時才看到.

沙茶醬蒜苗炒肉片, 肉片超滑滑, 加上惹味的沙茶醬, 很好送飯.  沙茶醬我是用台灣牛頭牌, 從小用到大. 第一次吃這沙茶醬是小時候在台灣留學的叔叔帶回來給我們試的, 以前吃火鍋也喜歡用它來作蘸醬.

紅燒元蹄

下星期五我要去馬來西亞探訪和短宣，最近都要忙着預備， 再加上要看奧運， 所以少了時間打理這裹。

這碟好像新年菜， 紅燒元碲，是幾個星期前的作品。

原本我上網找了一個紅燒元碲的食譜，要先炒冰糖(就是要溶了後再慢慢炒至焦糖，讓元碲色水更靚）。乖乖的照着做，但已經減了冰糖份量，加水，老抽，生抽，再下元碲，試味， 噢，那汁根本和平時煮豉油雞的一樣，而且太甜了。

於是把元碲拿出來，重新再煮，這次用了魚露，糖和老抽，煮好味道鹹甜適中。 皮是QQ的，肉是爽口的，超好吃哩。