輕鬆星期六- 十年, 日式串燒

星期六全日最期待就是入戲院睇十年.

本來只有兩場, 但因為開賣半個鐘內所以飛被掃光, 所以主辦單位最後加多兩場, 不過聽講都一樣被秒殺.

好彩朋友眼明手快開賣後即訂飛才有得睇, 雖然都要坐第三行.

劇評我不會寫了, 只可以講絶對值得睇, 五個單元, 每個都有特色, 有些較輕鬆好笑, 但笑的背後其實好唏嘘 . 當中自焚者最震撼, 亦係我最鐘意的, 拍攝剪接都好好, 拍得好大膽, 怪不得大陸要禁. 好佩服這部戲的監製和導演們的勇氣和膽量.

完場後有個短暫的交流會, 有監製和其中兩位導演出席. 

 囝囝們睇住我獨自出門去睇戲極度不滿, 所以夜晚要帶他們外出食飯補數.

Daddy帶他們來和我滙合去Shin Kushiya食日本串燒. 這餐廳我第一次食, Daddy就試過它的午餐, 覺得好味.

叫了一個雜錦拼盆, 左面開始:　豬腩肉，　蝦，　豬肉車厘茄卷，　雞肉，　肉碎釀冬菇。　另一碟是囝囝們要的燒雞翼。　雜錦拼盆每樣都好好味, 蝦好鮮味, 而我就最鐘意車厘茄卷, 真係食過翻尋味. 囝囝們說燒雞翼好好味, 不過有點太鹹.

 囝囝們還一人叫了一碟咖喱炸豬扒飯, 也不錯, 豬扒好厚身, 咖喱汁囝囝們大讚.

雜錦拼盆好味, 所以叫多碟牛肉拼盆來試. 左起: 蘆筍卷,金菇卷, 西冷扒, 車厘茄卷, 冬菇. 全部都好味, 不過仍然覺得雜錦拼盆好味啲, 全碟牛味道好像都一樣.

總括這餐食得好滿意,有下次.