實驗版Pikachu蛋糕

細佬生日時的鬆弛熊彩繪蛋糕表面皺皮, 估計是因為焗爐紙焗時受潮皺起.

本來好可愛的圖案因為表面皺皮而美中不足, 好唔甘心.  於是星期二晚又再整, 今次試用爐蓆.

哈哈, 今次蛋糕面很平滑! Pikachu超可愛呀!  蛋糕裏的是忌廉和芒果.

因為只是當成實驗, 只求表面平滑, 而且當時已經是夜晚十點半, 趕收工瞓覺, 捲饀時偷懶沒用rolling pin幫手, 所以這條卷蛋中間有點肚腩.

雖然爐蓆解決了表面皺起的問題, 但又有另一問題.  如果仔細睇,朱古力蛋糕上有部份令身, 有部份正常內卷蛋糕的樣子.  因為撕開爐蓆時, 有部份蛋糕早已經和爐蓆分離, 所以令身, 另一些地方就像正常用焗爐紙一樣的仍痴住爐蓆. 是爐蓆問題嗎?

我就是用這款爐蓆, 半透明的, 仍然可以看到底下墊着的圖案.
這張相是整完蛋糕後第二朝已洗乾淨和晾乾後影的, 仍然可以見到部份圖案, 或者這款爐蓆真的並不是最適合用來整彩繪蛋糕.