首爾親子自由行-Day7 完結篇

囝囝們今年學年完結了, 開始放假, 一月才開學.

我以為囝囝們放假, 我會好得閒.  之前還在淘寶買了一些數字油畫. 

結果, 他們放假我更忙. 公司好多嘢做, 這幾個星期在很努力地清理手頭上的工作, 因為明天就要返香港和去台灣玩, 會出走兩星期. 這一刻似乎已經完成了要清的工作, 可以透一透氣, 偷懶來寫最後一篇首爾遊記.

還有, 姐姐有事要回鄉一個月或以上, 這個星期我變了阿四, 囝囝們就要搬去和奶奶住, 因為日頭沒人在家看着他們.  每日放工後要先去陪他們, 然後回家做家務. 

14.06.2017

來到首爾的最後一日, 我們坐下午四點幾的班機回新. 房東很nice地讓我們遲點check out, 就不用煩惱行李放那裏了. (本來打算一早清房, 將行李寄存在Seoul Station, 反正我們會坐AREX去機場, 都好方便, 只是要一早清房會較趕)

先去首爾站內的Paris Baguette食早餐, 咖啡杯湊成一對, 好可愛.

之後出發去這日唯一景點 - 南山谷韓屋村.  因為是平日, 所以裏面好少人. 

免費入場的, 當行公園也不錯.

見到南山塔

這裏應該是學生出遊的熱門地, 有一批幼稚園學生來郊遊.

有這個投箭遊戲, 超難入樽的.

韓屋村裏的韓屋好像是把真正的韓屋從其他地方搬過來的, 都是大戶人家的房子. 不過只能從外面望入去, 不能入內的.

從前的灶房

祭祖

細佬好眼利, 離遠望到小茅屋內有這種舊時農家的擔挑(?), 立刻跑去揹起來影相.  這個小朋友好貪靚, 一直嚷着要買太陽眼鏡, 最尾在某地鐡站內的舖頭精挑細選了相裏的這副.

有民俗工藝示範

行完南山谷韓屋村, 哥哥說午餐要食炸雞, 於是用Naver Map找附近的炸雞店, 可惜全部都未開門, 可能都是做晚市和宵夜外賣吧.  哥哥超級失望, 唯有坐地鐡回民宿, 在樓下的便利店買點簡單的來吃.  其實我和Daddy都還不餓, 只買了兩份便當給囝囝們, 價錢相當便宜. 用微波爐叮熱來吃, 幾好味.

哥哥食到便利店的炸雞也算開心了.

食完午餐就離開民宿去首爾站坐AREX.  民宿在首爾站對面, 超方便, 完全不用行樓梯的呢.

最後來分享今次住的民宿, 在Airbnb訂的. 大厦內本身有好多單位都是serviced apartment 的, 所以住客習慣見到遊客出出入入.

一入門一邊是鞋櫃和衣櫃, 另一邊是裝可回收垃圾的分類盒. 我們每日都非常苦惱要怎樣將垃圾分類, 住了幾乎一個星期, 我們還未找到收垃圾的地方.  食物和不能回收的我們拿到街邊的垃圾桶掉(也不容易找啊), 其他的真的不懂處理, 留言給房東自己攪掂.

這單位有閣樓的, 樓上和樓下各有一張雙人床. 有梳妝台, 風筒都有兩架. 

有電腦和打印機, 還提供四張地鐡卡(T-money)和wifi 蛋. 

有個小小廚房, 煲, 煎pan廚具都有齊, 最開心有洗衣機. 

廚櫃對面有微波爐和電飯煲.

樓梯旁的角落有吸塵機和掛燙機. 

樓上是囝囝們的睡房.  這民宿我一家都覺得幾好, 唯一就是地方細了點, 不過麻雀雖小, 五臟俱全, 而且地點夠方便, 價錢亦合理.

今次帶着囝囝們, 好難去買嘢, 所以收穫好少.