新加坡國立博物館

三月學校一個星期的term break時, 我和Daddy請了半日假陪囝囝們外出.

當日落雨, 只可以選室內活動, 於是去了好耐無去過的新加坡國立博物館 (National Museum of Singapore).

我去旅行都鐘意去博物館的, 但好奇怪地新加坡的我只去過兩次.

上次去已經七, 八年前, 展覽全部更新了.

我們先去了Singapore History Gallery (新加坡歷史展).  展館用了多媒體和各種展品生動地敍述了過去700年的本地歷史. 哥哥睇得特別津津有味. 好像在温習他的歷史課.

好耐以前當新加坡仍未被英國人發現, 當時只有土著/原居民.

舊時馬拉人的大炮, 好靚喎.

後來中國人南下做苦力, 聚居在這類lodging house, 非常擠迫, 衛生環境差. 這民生棧的牌匾是由以前保留下來的.

當時的苦力很多都染上鴉片毒.

1963-1965新加坡曾經是馬來亞聯合邦的一份子, 當時的執政黨預備了小冊子向市民解釋和馬來亞聯合的好處.

最後兩邊都講唔掂數, 李光耀含淚宣佈新加坡獨立.

舊時的護照, 淺藍色的我未見過, 原來是專門用來去馬來西亞的, 好似我們的回鄉証. Daddy說他以前也有一本, 因為紅色的普通護照較貴, 如果只需要去馬來西亞, 就可以申請淺藍色的, 較便宜.  當年新加坡人並不富裕, 所以去外國旅行機會較少, 反而去馬來西亞探親居多, 所以淺藍的那本就夠用了.

古董電視

古董收音機, 好型呀

行完歷史展, 囝囝們喊餓,  要食下午茶.  這間Food For Thoughts 座位好舒服, 我和Daddy每人叫了一個tea set, S$10, 包一杯飲品和一件蛋糕.  我要了carrot cake, Daddy就要了芝士蛋糕, 好好味, 好大件呀, 食完勁飽.

嗰時五點鐘, 哥哥居然要食漢堡包, 細佬就叫了薯條, 好大份.

之後去睇Glass Rotunda: Story of the Forest and Singapore, Very Old Tree.  基本上這展覽分兩部份, 第一部份叫Story of the Forest, 用digital art來展示William Farquhar's collection.  William Farquhar當年被英國派來管治新加坡, 他委託了畫家將本地的動植物畫低, 那477張畫就叫做William Farquhar's collection.

有花開花落的投影, 好靚, 可惜影相影唔到, 現場睇好似睇煙花咁, 地上仲有啲豆袋, 可以瞓低來睇.

第二部份是Singapore, Very Old Tree, 只是展出新加坡的古樹的相, 無咩特別,

約了學生七點食晚飯, 所以剩餘時間只能走馬看花.

以前的玩具, 右邊五顏六色的膠片你們見過嗎? 可能是本地的吧, 我未見過呢. Daddy話叫做kuti kuti.

Kuti kuti is a traditional children's game in which two players take turns to flip colourful plastic tokens.  If a player's token lands on top of his opponent's, the player can claim it as his own.  Packets of kuti kuti pieces are often sold at provision shops in kampungs.

呢個我勁鐘意呀!  模擬以前的露天電影院, 有一架架車俾人坐低睇戲, 天花又整到好似星空咁, 好好玩呢.

時間有限, 仲有好多展覽我哋都未睇到.

我覺得呢個博物館係值得去睇的, 本地公民和永久居民免費入場, 外國人成人S$15, 學生, 老人家和傷殘人仕S$10,